మెగాస్టార్ సినిమాకు రిలీజ్ డేట్ కరువు

మెగాస్టార్ చిరంజీవి సినిమా వస్తోంది.. అంటే మిగితా సినిమాలు వెనక్కి తప్పుకోవాల్సిందే. పోటీ నుంచి పక్కకు పోవాల్సిందే. కానీ ప్రస్తుతం ఆ పరిస్థితి కనిపించడం లేదు. మెగాస్టార్ చిరంజీవి తాజా చిత్రం ‘ఆచార్య’. కొరటాల శివ దర్శకత్వంలో తెరకెక్కింది. కాజల్ కథానాయిక. రామ్ చరణ్ కీలక పాత్రలో నటించారు. ఆయనకి జంటగా పూజా హెగ్డే జతకట్టింది. మణిశర్మ సంగీతం అందించారు. అక్టోబర్ 13న ప్రేక్షకుల ముందుకు రావాలని ‘ఆచార్య’ ఆశపడ్డారు. అప్పటికే ఆ డేటుని ప్రకటించుకున్న ‘ఆర్ఆర్ఆర్’ వాయిదా పడుతుంది అనుకున్నారు. కానీ అలా జరగలేదు. ఎట్టిపరిస్థితుల్లోనూ.. అక్టోబర్ 13నే రిలీజ్ ఉంటుందని ఆర్ఆర్ఆర్ చిత్రబృందం ప్రకటించింది.

ఈ నేపథ్యంలో నిరాశకు గురైన ‘ఆచార్య’ సంక్రాంతికి వద్దామని అనుకున్నాడు. అక్టోబర్ 12 రిలీజ్ డేట్ ప్రకటిద్దామని దర్శకుడు కొరటాల శివ అనుకున్నారు. ఒకట్రెండు రోజుల్లోనే అధికారిక ప్రకటన చేద్దామని అనుకున్నారు. ఈలోగా పవన్ – రానాల మల్టీస్టారర్ అయ్యప్పన్ రీమేక్ విడుదల జనవరి 12న అని ప్రకటించేసారు. ఇక జనవరి 13న మహేష్ ‘సర్కారువారి పాట’, 14న ప్రభాస్ ‘రాధేశ్యామ్’ రిలీజ్ కాబోతున్నాయి. ఈ నేపథ్యంలో సంక్రాంతి రేసులో ఆచార్యకు అసలు చోటే దక్కలేదు. మళ్లీ మంచి సీజన్ కావాలంటే సమ్మర్ కు పోవాల్సిందే. అప్పటి వరకు వెళ్లే ఓపిక బహుశా.. ఆచార్యకు లేకపోవచ్చు. ఈ నేపథ్యంలో ఈ యేడాది డిసెంబర్ లో ఆచార్య అర్జెస్ట్ కావొచ్చని చెప్పుకుంటున్నారు.