మా ఏకగ్రీవం.. ప్రకాష్ రాజ్ సంచలన వ్యాఖ్యలు !
మా (మూవీ ఆర్టిస్ట్ అసోసియేషన్) ఎన్నికలని ఏకగ్రీవం చేస్తే బాగుంటుంది అన్నది సినీ పెద్దల మాట. గతంలో మా ఎన్నికలు ఏకగ్రీవం అయ్యేవి. ఇప్పుడా పరిస్థితులు లేవు. అయితే ఆ దిశగా ప్రయత్నాలు జరిగినట్టు ఇటీవల వార్తలు వినిపించాయి. ఈ నేపథ్యంలో తాజాగా మా ఎన్నిక ఏకగ్రీవం అంశంపై తాజాగా అధ్యక్ష బరిలో నిలిచిన్ ప్రకాష్ రాజ్ స్పందించారు.
“ఏకగ్రీవం అనేది నాకు ఇష్టం లేదు. ఎన్నికల్లో చర్చ జరగాలి. ఇప్పుడు జరుగుతోంది అదే. నేను ఏం చెబుతున్నానో అంతా వింటున్నారు. ఇప్పుడు అధికారంలో ఉన్న సభ్యులు ఈ రెండేళ్లు ఏం చేశారో చూడాలి. నెక్ట్స్ ఏం కావాలి అనే చర్చ జరగాలి. అప్పుడే అసోసియేషన్ కు మంచిది. ఎవరో ఒకరి ఆశీర్వాదంతో ఏకగ్రీవంగా గెలిస్తే ఏం జరగదు. ఏకగ్రీవంగా ఎవరో ఒకర్ని ఎన్నుకంటే చర్చకు తావెక్కడుంటుంది? అందుకే ఏకగ్రీవ ఎన్నికలపై నాకు నమ్మకం లేదు.” అంటూ కుండబద్దలు కొట్టాడు ప్రకాష్ రాజ్.
