వారం ముందుగానే పుష్ప పార్ట్-1

క్రిస్మస్ కానుకగా ‘పుష్ప’ పార్ట్-1 రిలీజ్ డేట్ ప్రకటించుకున్న సంగతి తెలిసిందే. డిసెంబర్ 24న విడుదల తేదిని చిత్రబృందం అధికారికంగా ప్రకటించింది. అయితే అందుకు ఒక వారం రోజుల ముందుగానే .. అంటే డిసెంబర్ 17వ తేదీన ఈ సినిమాను విడుదల చేయాలని తాజాగా నిర్ణయించుకున్నట్టుగా తెలుస్తోంది. దానికి గల కారణాలు మాత్రం తెలియాల్సి ఉంది.

సుకుమార్-అల్లు అర్జున్ కాంబోలో వస్తున్న హ్యాట్రిక్ చిత్రమిది. సింగిల్ స్కిప్ట్ గా మొదలైన ‘పుష్ప’ ఆ తర్వాత రెండు పార్టులుగా పాన్ ఇండియా సినిమా అయింది. బన్నీకి జంటగా రష్మిక మందన నటిస్తోంది. ఫాహద్ ఫాజిల్ ప్రతినాయకుడిగా నటిస్తున్న ఈ సినిమాలో, జగపతిబాబు .. ప్రకాశ్ రాజ్ కీలక పాత్రల్లో కనిపించనున్నారు. దేవిశ్రీ ప్రసాద్ సంగీతం అందిస్తున్నారు. మైత్రీ మూవీస్ నిర్మిస్తోంది.