జగన్ పిలుపు.. మళ్లీ కొత్త డేటు !

ఏపీ సీఎం జగన్ పిలుపు కోసం టాలీవుడ్ పెద్దలు వేయి కళ్లతో ఎదురు చూస్తున్నారు. టాలీవుడ్ పెద్దలతో ఆంధ్ర సిఎమ్ మీటింగ్ అంటూ ఇటీవల జోరుగా ప్రచారం జరిగింది. సెప్టెంబర్ 4 భేటీ అన్నారు. ఇప్పుడా డేటు కూడా పోయింది. వాస్తవానికి ఏపీ ప్రభుత్వం నుంచి ఎలాంటి పిలుపు రాలేదు. ఇంకా వస్తుందని ఆశిస్తున్నారు. లెటెస్ట్ న్యూస్ ఏంటంటే ? ఈ నెల 20న టాలీవుడ్ పెద్దలతో ఏపీ సీఎం మీటింగ్ అంటున్నారు. ఈసారి కూడా పిలుపు రాలేదు. వస్తుందని ఆశిస్తున్నారంతే !

ప్రస్తుతం చిరంజీవి తన ఆచార్య పాట షూట్ లో ఫుల్ బిజీగా వున్నారు. 18 వరకు ఇదే పాట షెడ్యూలు వుంటుంది. ఆ తరువాత 21న బయల్దేరి ఊటీ వెళ్తారు. అక్కడ లూసిఫర్ షూట్ వుంటుంది. 28 వరకు అక్కడే వుంటారు. అందువల్ల ఆంధ్రకు వెళ్లి కలవాలి అంటే మిగిలిన డేట్ లు రెండే 19, 20. మరి ఈ మేరకు పిలుపు వస్తుందా? అన్నది చూడాలి.అందువల్ల 19, 20ల్లోనే పిలుపు రావాలని కోరుకుంటున్నారు.