టీమిండియా న్యూజిలాండ్‌ పర్యటనను వాయిదా
న్యూజిలాండ్‌ గడ్డపై వచ్చే ఏడాది టీమిండియా మూడు వన్డేలు ఆడాల్సి ఉంది. 2023 వరల్డ్‌కప్‌ సూపర్‌లీగ్‌లో భాగంగా విరాట్‌ కోహ్లి బృంధం కివీస్‌తో మూడు వన్డేల్లో పాల్గొనాల్సి ఉండగా.. తాజగా వాయిదా పడింది.
బంగ్లాదేశ్‌తో టి20 సిరీస్‌ ముగిసిన అనంతరం కివీస్ ఆటగాళ్లు ఐపీఎల్‌ 2021 సెకండ్‌ ఫేజ్‌ ఆడేందుకు యూఏఈకి వెళ్లారు. అది ముగిసిన తర్వాత అక్కడే జరగనున్న టి20 ప్రపంచకప్‌ 2021లో పాల్గొనాల్సి ఉంది. ప్రపంచకప్‌ అనంతరం కివీస్ భారత్‌లో పర్యటించి రెండు టెస్టులు, మూడు టీ20 ఆడనుంది. అలా చూసుకుంటే న్యూజిలాండ్‌ డిసెంబర్‌లో మళ్లీ స్వదేశానికి వస్తుంది. ఈ బిజీ షెడ్యూల్ నేపథ్యంలో ఆస్ట్రేలియా వేదికగా జరగనున్న టి20 ప్రపంచకప్‌ 2022 ముగిసిన తర్వాత టీమిండియా న్యూజిలాండ్‌లో వన్డే సిరీస్‌ ఆడేలా షెడ్యూల్ చేయనున్నట్లు కివీస్ క్రికెట్‌ బోర్డు అధికారి తెలిపారు.
