బాలయ్యకు జై కొట్టిన రౌడీ హీరో

‘జై బాలయ్య.. జై బాలయ్య.. ‘ ఈ స్లోగన్స్ లో ఏదో పవర్ ఉంది. ఎప్పుడూ బాలయ్య అభిమానుల నోట్ల నుంచి వినిపించే ఈ డైలాగ్ ఇప్పుడు రౌడీ హీరో విజయ్ దేవరకొండ నోటి నుంచి వినిపించింది. సడెన్ గా విజయ్ బాలయ్య వీరాభిమానిగా మారిపోవడం ఏంటీ  అనుకుంటున్నారా.. ? వాస్తవానికి బాలయ్యనే విజయ్ మరియు లైగర్ చిత్రబృందానికి సడెన్ సప్రైజ్ ఇచ్చారు.

బోయపాటి దర్శకత్వంలో తెరకెక్కుతున్న ‘అఖండ’, పూరి జగన్నాథ్‌ దర్శకత్వం వహిస్తున్న’లైగర్‌’ చిత్రాల షూటింగ్‌లు గోవాలో జరుగుతున్న విషయం తెలిసిందే. చిత్రీకరణ మధ్యలో వచ్చిన విరామంలో బాలయ్య  ‘లైగర్‌’ సెట్‌కు వెళ్లారు. దర్శకుడు పూరి,  విజయ్‌ దేవరకొండ, నిర్మాత ఛార్మిలతో కలసి ఆయన సరదాగా ముచ్చటించారు.

ఈ సందర్భంగా తీసిన ఈ చిత్రాన్ని విజయ్‌ సోషల్ మీడియాలో షేర్ చేశారు. ‘జై బాలయ్య’ అంటూ కామెంట్ పెట్టారు. జై బాలయ్య అనే స్లోగన్ నందమూరి అభిమానులు, టీడీపీ వర్గాల నుంచే ఎక్కువగా వినిపించేది. గతంలో ఒకట్రెండు సార్లు యంగ్ టైగర్ ఎన్ టీఆర్ జై బాలయ్య అనడం విన్నాం. చూశాం. ఇప్పుడు రౌడీ హీరో బాలయ్యకు జై కొట్టడం సినీ ప్రేక్షకులకి కొత్త కిక్కు ఇచ్చినట్టు ఉంది.

#Balakrishna 📸 at #Liger shoot.#VijayDeverakonda @TheDeverakonda @Charmmeofficial @purijagan @karanjohar @PuriConnects #OTTRelease #balayyawithLiger pic.twitter.com/rpZqASJqQd— OTTRelease (@ott_release) September 22, 2021