బిగ్‌బాస్‌ 5 : ప్రియాంకకు బంపర్ ఆఫర్
ప్రియాంక పుట్టినరోజు వేడుకలు బిగ్‌బాస్‌ హౌస్‌లో ఘనంగా జరిగాయి. హౌస్‌మేట్స్‌ అంతా కలిసి ఆమెకి పువ్వులు, గాజులు, చీరని కానుకగా అందించారు. ‘నాన్నా సాయితేజ. అమ్మాయి అయినా అబ్బాయి అయినా మాకు సర్వం నువ్వే. అమ్మాయిగా మారావని నిన్ను ఆదరించటం మానేస్తామా. ఎప్పుడూ, అలా అనుకోవద్దు’ అని తన తండ్రి భరోసా ఇస్తూ ఓ వీడియోని హౌస్‌కి పంపించాడు. అది చూసిన ప్రియాంక ఒక్కసారిగా కంటతడి పెట్టుకున్నారు.
‘నా సొంత ఇంటికి కూడా నేను దొంగలా వెళ్తా. నేనొచ్చానని మా పక్కింటి వారికీ తెలియదు. ఈ రోజు మా నాన్న నన్ను అంగీకరించి నువ్వు ఇంటికి రావొచ్చు అంటే ఏదో తెలియని ఫీలింగ్‌. మా నాన్నని పట్టుకుని గట్టిగా ఏడవాలని ఉంది ‘ అని చెబుతూ హృదయాలను బరువెక్కించింది. ఇక బర్త్ డే గర్ల్ ప్రియాంకకు బిగ్ బాస్ బంపర్ ఆఫర్ ఇచ్చాడు. రాకుమారుడిగా రవి గెలవగా ఆయన టీమ్‌లో తనతోపాటు ముగ్గురు సభ్యులను కెప్టెన్సీ పోటీదారులుగా ఎంచుకోవచ్చని బిగ్‌బాస్‌ సూచించాడు. దీంతో పోటీలోకి అనీ మాస్టర్‌, శ్వేతావర్మ, హమీదాలు వచ్చారు.
అయితే బిగ్‌బాస్‌ ఎవరు ఊహించని మరో ట్విస్ట్‌ ఇచ్చాడు. గతంలో పవర్‌ రూమ్‌లోకి వెళ్లే అవకాశం పొందిన హమీదను ఈ సీజన్‌ మొత్తానికి కెప్టెన్‌ పోటీల్లో నిలబడకుండా ఎవరిని ఎంచుకుంటారని బిగ్‌బాస్‌ అడగ్గా.. ఆమె ప్రియ పేరు చెప్పింది. అప్పటి నుంచి ప్రియ ఏ కెప్టెన్సీ పోటీలోనూ అర్హత సాధించలేదు. ఇప్పుడు బిగ్‌బాస్‌ ఆమెకు బంపర్ ఆఫర్ ఇచ్చాడు. ఈ సీజన్‌లో కెప్టెన్‌ పోటీ జరిగిన ప్రతిసారీ ఆమె నేరుగా పోటీలో ఉంటారని తెలిపాడు.
