కెప్టెన్ ఇన్నింగ్స్ ముగిసింది

ఐపీఎల్ లో విరాట్ కోహ్లీ కెప్టెన్ ఇన్నింగ్స్ ముగిసింది. సోమవారం రాత్రి కోల్‌కతాతో తలపడిన ఎలిమినేటర్‌ మ్యాచ్‌లో బెంగళూరు ఓటమిపాలైన సంగతి తెలిసిందే. దీంతో ఆర్సీబీ కెప్టెన్‌గా చివరిసారైనా కప్పు సాధించాలని ఆశించిన విరాట్‌ కోహ్లీకి నిరాశే ఎదురైంది. ఈ సీజన్ తర్వాత ఆర్సీబీ కెప్టెన్సీ బాధ్యతల నుంచి తప్పుకుంటానని కోహ్లీ ఇప్పటికే ప్రకటించిన సంగతి తెలిసిందే. దీంతో ఐపీఎల్ లో కోహ్లీ కెప్టెన్ ఇన్నింగ్స్ ముగిసినట్టయింది.

మొదట బెంగళూరు 7 వికెట్లకు 138 పరుగులే చేయగలిగింది. కోహ్లి (39; 33 బంతుల్లో 5×4) టాప్‌ స్కోరర్‌. శుభ్‌మన్‌ గిల్‌ (29; 18 బంతుల్లో 4×4), వెంకటేశ్‌ అయ్యర్‌ (26; 30 బంతుల్లో 1×6), సునీల్‌ నరైన్‌ (26; 15 బంతుల్లో 3×6) రాణించడంతో లక్ష్యాన్ని కోల్‌కతా మరో రెండు బంతులు మిగిలి ఉండగా 6 వికెట్లు కోల్పోయి ఛేదించింది. సిరాజ్‌ (2/19), హర్షల్‌ పటేల్‌ (2/19), చాహల్‌ (2/16) గొప్పగా బౌలింగ్‌ చేసినా తమ జట్టును గెలిపించుకోలేకపోయారు.