జై బాలయ్య.. ఇక పూనకాలే.. !
జై బాలయ్య.. జైజై బాలయ్య.. అనే నినాదాలతో బాలకృష్ణ ఫ్యాన్స్ ఊగిపోతుంటారు. ఏకంగా యంగ్ టైగర్ ఎన్టీఆర్ కూడా బాబాయ్ కి జై కొట్టడం అంటే మహా ఇష్టం. గతంలో తారక్ నోట జై బాలయ్య నినాదాలు సోషల్ మీడియాలో వైరల్ అయిన సంగతి తెలిసిందే. ఇప్పుడు ఏకంగా జై బాలయ్య టైటిల్ తో బాలయ్య సినిమా వస్తే.. ఇంకేమైనా ఉంటదా.. ఫ్యాన్స్ లో పూనకాలే. ఇప్పుడు ఆ పదాన్నే టైటిల్ గా వాడితే ఎలా వుంటుందని ఆలోచిస్తున్నారు దర్శకుడు గోపీచంద్ మలినేని.
హీరో బాలయ్యతో మైత్రీ మూవీస్ పతాకంపై ఆయన చేయబోయే సినిమా నవంబర్ నుంచి మొదలవుతుంది. ఈ సినిమాకోసం చాలా టైటిళ్లు ఆలోచిస్తున్నారు. ఇప్పటికి ‘జై బాలయ్య’ అనే టైటిల్ అయితే రిజిస్టర్ చేసి వుంచారు. నవంబర్ లో సినిమా ఓపెనింగ్ నాటికి మరో మంచి క్యాచీ టైటిల్ దొరికితే సరే, లేదూ అంటే జై బాలయ్య అన్నదే టైటిల్ అవుతుంది. మాంచి మాస్ కథాంశంతో అనంతపురం ఏరియా బ్యాక్ డ్రాప్ లో ఈ సినిమాకు కథను తయారుచేసుకున్నారు గోపీ.
