‘భోళాశంకర్’ ప్రీ లుక్ రెడీ

మెగాస్టార్ చిరంజీవి జోష్ మీదున్నాడు. వరుసగా సినిమాలు ప్రకటిస్తున్నారు. ఫ్రీలుక్ లను వదులుతున్నాడు. ఇప్పటికే బాబీ సినిమా ప్రీ లుక్ వచ్చేసింది. ఇప్పుడు మరో ప్రీ లుక్ రాబోతుంది. ‘భోళాశంకర్’ సినిమా కోసం కూడా ప్రీ లుక్ రెడీ అయింది. మెహర్ రమేష్ దర్శకత్వంలో ఈ సినిమా తెరకెక్కనుంది. చిరుకి జంటగా తమన్నా కనిపించనుంది.

రేపు ఉదయం 7 గంటల 45 నిమిషాలకు ‘భోళాశంకర్’ సినిమా పూజాకార్యక్రమాలతో ప్రారంభం కాబోతోంది. ఈ సినిమా కోసం 2 రోజుల కిందటే లుక్ టెస్ట్ పూర్తిచేశారు చిరంజీవి. ఓ స్పెషల్ లుక్ లో చిరంజీవిపై ఫొటో షూట్ నిర్వహించారు. ఆ స్టిల్ ను రేపు రిలీజ్ చేయబోతున్నారు. ఇక ఇందులో చిరంజీవికి చెల్లెలిగా కీర్తిసురేష్ నటించనుంది. ఏకే ఎంటర్ టైన్ మెంట్స్ బ్యానర్ పై రాబోతున్న ఈ సినిమాకు మహతి స్వరసాగర్ సంగీతం అందిస్తున్నాడు.