రాధేశ్యామ్.. ఆ 12 నిమిషాలు హైలైట్ !

రాధేశ్యామ్ ఫస్ట్ కాపీ రెడీ అయింది. ప్రభాస్ తన సన్నిహితులతో కలిసి సినిమా ఫస్ట్ కాపీ చూసినట్లు తెలుస్తోంది. అలాగే హీరోయిన్ పూఙా హెగ్డే ఫ్యామిలీ కూడా సినిమా చూసారని తెలుస్తోంది. సినిమా చాలా బాగా వచ్చిందని ప్రభాస్ హ్యాపీగా ఫీలయినట్లు తెలుస్తోంది. ఓ మంచి ప్రేమ కథను అందంగా తెరపైకి తెచ్చారని టీమ్ అంతా భావించినట్లు తెలుస్తోంది ముఖ్యంగా సముద్రంలో తీసిన 12 నిమిషాల ఎపిసోడ్ సినిమాకే కీలకంగా నిలుస్తుందని భావిస్తున్నట్లు తెలుస్తోంది. ఈ సన్నివేశాలు సినిమా క్లైమాక్స్ లో వస్తాయని తెలిసింది.

సినిమా అవుట్ పుట్ పై హ్యాపీగా ఉన్న చిత్రబృందం.. ప్రమోషన్స్ పై ఫోకస్ పెట్టనుంది. ఈ మధ్యాహ్నం రాధేశ్యామ్ లవ్ ఆథమ్ రాబోతుంది. ఆ తర్వాత కూడా వరుస అప్ డేట్స్ సందడి చేయనున్నారు. సంక్రాంతి వరకు ప్రభాస్ ఫ్యాన్స్ కి పండగే. రాథాకృష్ణ దర్శకత్వంలో తెరకెక్కిన ఈ చిత్రంలో ప్రభాస్ కి జంటగా పూజా హెగ్డే నటించారు. ఫన్, రొమాన్స్, లవ్ కలిసి మాంచి ఫీల్ ఇచ్చే సినిమాగా తయారయిందని ప్రభాస్ పిచ్చ హ్యాపీ అయినట్టు తెలుస్తున్నది. అదే హ్యాపీనెస్ సినిమా చూసిన ప్రేక్షకుడికి కలిగితే.. సినిమా సూపర్ హిట్టే.