జబర్థస్త్ షో’లో పాడు సంస్కృతి

సినిమా అవకాశాలు రావాలంటే పక్కలేయాల్సిందే. హాలీవుడ్, బాలీవుడ్, టాలీవుడ్, కోలీవుడ్… అంతటా  కాస్టింగ్ కౌచ్ అనే సంస్క్కృతి ఉంది. దీనిపై ఆ మధ్య విపరీతమైన చర్చ జరిగింది. కొందరు సీనియర్, యంగ్ హీరోయిన్స్ తమకు ఎదురైన పడకగది పిలుపుల గురించి బాహాటంగానే చెప్పేశారు. కొందరి పేర్లు కూడా బయటపెట్టారు. అయితే ఇప్పుడీ.. పాడు సంస్కృతి బుల్లితెరకు కూడా పాకింది. జబర్థస్త్ షో బుల్లి తెర‌పై తిరుగులేని హిట్ గా నిలిచింది. అటు మ‌ల్లెమాల‌కూ, ఇటు ఈటీవీకి కాసుల వ‌ర్షం కురిపించింది.

ఈ షోతో పాపులారిటీ సంపాదించుకున్న వాళ్లు ఎంతో మంది. వాళ్లు వెండి తెర‌పై కూడా ఇప్పుడు రాణిస్తున్నారు. అయితే జ‌బ‌ర్‌ద‌స్త్ బాంబు త్వ‌ర‌లోనే పేలిపోబోతోంద‌న్న‌ది బుల్లితెర వ‌ర్గాల మాట‌. ముఖ్యంగా కాస్టింగ్ కౌచ్ అనే సంస్క్కృతి ఈ షోకీ దాపురించింద‌ని తెలుస్తోంది. లేడీ ఆర్టిస్టుల్ని కొంత‌మంది బాగా ఇబ్బంది పెడుతున్నార‌ని, ఒక‌రిద్ద‌రు జ‌బ‌ర్‌ద‌స్త్ స్టార్ల వ‌ల్ల‌… లేడీ ఆర్టిస్టులు బాగా డిస్ట్ర‌బ్ అయ్యార‌ని, వీళ్ల వ్య‌వ‌హారం… మ‌ల్లెమాల ద‌గ్గ‌ర‌కు కూడా తీసుకెళ్లార‌ని తెలుస్తోంది. త్వ‌ర‌లోనే ఒక‌రిద్ద‌రు మీడియా ముందుకొచ్చి, త‌మ గోడు వెళ్ల‌గొక్కుకునే ఛాన్సుంద‌ని చెప్పుకుంటున్నారు. అదే జ‌రిగితే జ‌బ‌ర్‌ద‌స్త్ ప్ర‌తిష్ట బజారునపడినట్టే.