అంబానీ ఇంట మెహందీ వేడుక.. బాలీవుడ్ స్టార్స్ సందడి
రిలయన్స్‌ ఇండస్ట్రీస్‌ అధినేత ముఖేశ్ అంబానీ ఇంట పెళ్లి సందడి మొదలైంది. ముఖేష్ అంబానీ పెద్ద కొడుకు ఆకాష్ అంబానీ, ముద్దుల కూతురు ఈషాలకు పెళ్లి కుదిరిన సంగతి తెలిసిందే. ఆకాశ్‌ అంబానీ వివాహం ప్రముఖ వజ్రాల వ్యాపారి రస్సెల్‌ మెహతా కుమార్తె శ్లోకాతో నిశ్చయం అయ్యింది. కూతురు ఈశా వివాహం పిరమాల్‌ సంస్థల వారసుడు అజయ్‌ పిరమాల్‌తో నిశ్చియం అయ్యింది.
ఈ నెల 30న ఆకాశ్‌, శ్లోకల నిశ్చితార్థం జరగనుంది. కాగా, బుధవారం రాత్రి ఆకాశ్‌, శ్లోకల మెహందీ వేడుక ఘనంగా జరిగింది. ఈ వేడుకకు బాలీవుడ్ స్టార్స్ హాజరయ్యారు. షారూక్‌ ఖాన్‌, ఐశ్వర్యరాయ్‌ బచ్చన్‌, కత్రినా కైఫ్‌, ప్రియాంకా చోప్రా, కరణ్‌ జోహార్‌, కిరణ్‌ రావ్‌ తదితరులు అంబానీ ఇంట మెహందీ వేడుకలో సందడి చేశారు. ఈ యేడాది, వచ్చే యేడాది కూడా ముఖేష్ అంబానీ ఇంట పెళ్లి సందడి కొనసాగనుంది.
