షాక్ : కెప్టెన్ రోహిత్ అవుట్

హిట్ మ్యాన్ రోహిత్ శర్మకు ఇటీవలే డబుల్ ప్రమోషన్ దొరికింది. దక్షిణాఫ్రికా వన్డే సిరీస్ కు కెప్టెన్ గా, టెస్ట్ సిరీస్ కు వైఎస్ కెప్టెన్ గా ఎంపికయ్యాడు. అయితే అతడికి కాలం కలిసిరాలేదు. దక్షిణాఫ్రికాతో డిసెంబరు 26 నుంచి ప్రారంభం కావాల్సిన మూడు టెస్టుల సిరీస్‌కు రోహిత్‌ దూరమయ్యాడు. ఈ మేరకు బీసీసీఐ ప్రకటన చేసింది. 

ప్రాక్టీస్‌ సెషన్‌లో అతడి ఎడమ చేతికి గాయం అయింది. టెస్టులకు మాత్రమే కాదు..  జనవరి 19 నుంచి ప్రారంభం కానున్న వన్డే సిరీస్‌కు కూడా రోహిత్ అందుబాటులో ఉంటాడా? లేదా? అనే విషయంలో క్లారిటీ రావాల్సి ఉంది. ఇక డిసెంబరు 16న భారత జట్టు దక్షిణాఫ్రికా పర్యటన కోసం బయలు దేరాల్సి ఉంది.