‘పరమహంస’గా రెబల్ స్టార్

రెబల్ స్టార్ అభిమానులకు డబుల్ ట్రీట్. ‘రాధేశ్యామ్’ సినిమాలో యంగ్ రెబల్ స్టార్ ప్రభాస్ విక్రమాదిత్య పాత్రలో కనిపించబోతున్న సంగతి తెలిసిందే. ఆయనకి జంటగా పూజా హెగ్డే నటించారు. ఈ సినిమాలో సీనియర్ రెబల్ స్టార్ కృష్ణంరాజు కూడా కనిపించనున్నారు.

తాజాగా ఆయన పాత్రకు సంబంధించిన ఫస్ట్ లుక్ ని చిత్రబృందం విడుదల చేసింది. పరమహంస పాత్రలో ఆయన కనిపించనున్నారు. నిజంగా పరమహంసనే మన ముందు కూర్చున్నట్టుగా ఉన్న కృష్ణంరాజు పోస్టర్ ను విడుదల చేశారు.

ఈ చిత్రానికి రాథాకృష్ణ కుమార్ దర్శకత్వం వహిస్తున్నారు. టీ-సిరీస్ తో కలిసి యూవీ క్రియేషన్స్ నిర్మిస్తోంది. సంక్రాంతి కానుకగా జనవరి 14న రాధేశ్యామ్ ప్రేక్షకుల ముందుకు రానుంది. ఇప్పటికే విడుదలైన ఈ సినిమా పాటలు, టీజర్ ప్రేక్షకులని విశేషంగా ఆకట్టుకున్నాయి. ఈ ప్రేమకథ చిత్రం బిగ్ పాన్ ఇండియా హిట్ గా నిలుస్తుందని చిత్రబృందం ధీమాగా ఉంది.

Senior Rebel Star #KrishnamRaju as #Paramahamsa from #RadheShyam.#Prabhas #RadheShyam @hegdepooja #RadheShyamOnJan14th pic.twitter.com/KIYlop4JLe— OTTRelease (@ott_release) December 20, 2021