లైవ్ లో థ్రిల్లర్ సీన్ : పట్టాలపై కూలిన విమానం.. ఎదురుగా దూసుకొస్తున్నరైలు

ఓ చిన్న విమానం రైలు పట్టాలపై కుప్పకూలింది. అందులో ఇరుక్కుపోయిన పైలట్‌ ను అక్కడే ఉన్న పోలీసులు కాపాడే ప్రయత్నం చేస్తున్నారు. ఇంతలో ఎదురుగా విమానం దూసుకొస్తుంది. మరీ.. ఆ పైలెట్ ని పోలీసులు కాపాడగలిగారా ? ఈ థ్రిల్లర్ సీన్ ఆదివారం లాస్‌ఏంజెల్స్‌లో జరిగింది.

లాస్‌ఏంజెల్స్‌లోని రైల్‌ రోడ్‌ ట్రాక్‌లో పట్టాలపై ఆదివారం ఓ చిన్న సెస్నా 72 విమానం కూలిపోయింది. ఈ ఘటన మధ్యాహ్నం 2.10 గంటల సమయంలో చోటు చేసుకొంది. ఈ ఘటన జరిగిన వెంటనే అక్కడే ఉన్న నలుగురు పోలీసు అధికారులు విమానంలో గాయపడి ఇరుక్కుపోయిన పైలట్‌ను బయటకు లాగారు.

మరోవైపు అదే మార్గంలో రైలు దూసుకొస్తున్నా.. ఈ అధికారులు ప్రాణాలకు తెగించి పైలట్‌ను రక్షించారు. అక్కడే ఉన్న స్థానికులు ఈ దృశ్యం చూసి.. ‘గో.. గో.. గో..’ అని వారిని హెచ్చరిస్తున్నారు. పైలట్‌ను 2.15 సమయంలో బయటకు లాగగానే.. క్షణాల్లోనే ఆ రైలు వేగంగా ఆ విమనాన్ని ఢీకొని నుజ్జునుజ్జు చేసింది ఈ వీడియో ఇప్పుడు వైరల్‌గా మారింది.

Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo— LAPD HQ (@LAPDHQ) January 10, 2022