పాన్ ఇండియా కింగ్.. టాలీవుడ్

బాహుబలి తర్వాత టాలీవుడ్ ముఖచిత్రమే మారిపోయింది. ఇప్పుడు టాలీవుడ్ అంటే కేవలం టాలీవుడ్ మాత్రమే కాదు.. పాన్ ఇండియా కింగ్. బాలీవుడ్ సినిమాలు కొన్ని హిందీ రాష్ట్రాలకు మాత్రమే పరిమితం అవుతున్నాయి. కానీ తెలుగు సినిమా దేశాన్ని ఏలుతుంది. పాన్ ఇండియా సినిమాగా రాణిస్తుంది. బాహుబలి, బాహుబలి 2 ప్రపంచ వ్యాప్తంగా ప్రేక్షకులను ఆకట్టుకున్నాయి. సాహో సూపర్ అనిపించుకుంది. పుష్ప బాలీవుడ్ బాక్సాఫీసును షేక్ చేసింది.

ఇకపై టాలీవుడ్ నుంచి వచ్చే ప్రతి సినిమా పాన్ ఇండియా సినిమానే అన్నట్టుగా పరిస్థితి మారింది. ఈ నేపథ్యంలో బాలీవుడ్ యంగ్ బ్యూటీ, లైగర్ హీరోయిన్ అనన్య పాండే సంచలన కామెంట్స్ చేసింది. ఇప్పుడు టాలీవుడ్.. పాన్ ఇండియా కింగ్ గా మారిందని కామెంట్ చేసింది. ప్రస్తుతం పూరి జగన్నాథ్ డైరెక్షన్ లో ‘ లైగర్’ సినిమాలో విజయ్ దేవరకొండ సరసన అనన్యపాండే హీరోయిన్ గా నటిస్తున్న సంగతి తెలిసిందే. ఆమె నటిస్తున్న తొలి తెలుగు సినిమాతోనే టాలీవుడ్ సత్తా ఏంటో.. ఈ ముద్దుగుమ్మకు అర్థమైంది.