‘భీమ్లా నాయక్’ బాలీవుడ్ రిలీజ్ వాయిదా

బాలీవుడ్ మార్కెట్ పై ‘పుష్ప’ ఆశలు రేపింది. పెద్దగా పబ్లిసిటీ లేకపోయినా హిందీలో పుష్ప అదరగొట్టింది. వందల కోట్ల రూపాయలు కలెక్ట్ చేసింది. బాలీవుడ్, హాలీవుడ్ సినిమాలను కాదని హిందీ ప్రేక్షకులు పుష్పను చూశారు. ఇది చూసి తెలుగు భారీ సినిమాలు అన్నీ ఛలో హిందీ రిలీజ్ అన్నాయి. భీమ్లా, ఆచార్య కూడా హిందీ మేము సైతం అనేసాయి. ఈ లోగా ఖిలాడీ సినిమా హిందీలో విడుదలయింది. పెద్దగా ఆడలేదు.

ఇలాంటి నేపథ్యంలో భీమ్లా నాయక్ విడుదల దగ్గరకు వచ్చింది. కానీ ఇప్పటి వరకు హిందీ వెర్షన్ కు సంబంధించి ఓ పాట లేదు..వీడియో లేదు. పక్కాగా పబ్లిసిటీ తో ఓ వారం తర్వాత హిందీలో భీమ్లా నాయక్ ను విడుదల చేద్దామనే ఆలోచనలో మేకర్స్ ఉన్నట్టు తెలుస్తుంది. ఈలోగా సినిమా డెప్త్ తెలుస్తుందని భావిస్తున్నారు. ఈ చిత్రానికి సాగర్ కె దర్శకత్వం వహించారు. మాటలు-స్క్రీన్ ప్లే త్రివిక్రమ్ అందించారు. థమన్ సంగీతం. సితార ఎంటర్ టైన్ మెంట్స్ నిర్మించింది. ట్రైలర్ లో పవన్-రానాల దగ్గా పోరు పోరాటం ఆకట్టుకుంది.