రాధేశ్యామ్ ఫస్ట్ డే.. రికార్డ్ కలెక్షన్స్ !
ప్రభాస్ – పూజా హెగ్డే జంటగా నటించిన ప్రేమకథ చిత్రం రాధేశ్యామ్. భారీ అంచనాల మధ్య శుక్రవారం ప్రేక్షకుల ముందుకొచ్చిన రాధేశ్యామ్ మిక్సిడ్ టాక్ సొంతం చేసుకుంది. అయితే టాక్ తో సంబంధం లేకుండా మొదటి రోజు రికార్డ్ కలెక్షన్స్ కలెక్ట్ చేసింది. ఇండియాలో రూ. 55 కోట్లు వసూలు చేసింది. ఇక ప్రపంచ వ్యాపంగా రాధేశ్యామ్ తొలిరోజు కలెక్షన్స్ రూ. 72.41 కోట్లుగా లెక్క తేలింది. ఈ ఏడాది విడుదలైన సినిమాల్లో తొలిరోజు అత్యధిక కలెక్షన్స్ రాబట్టిన చిత్రంగా రాధేశ్యామ్ రికార్డ్ సృష్టించింది.
గత నెలలో విడుదలైన కోలీవుడ్ స్టార్ అజిలి ‘వలిమై’ తొలిరోజు రూ. 59.48కోట్లు కలెక్ట్ చేసింది. ఆ మరుసటిరోజే విడుదలైన పవర్ స్టార్ పవన్ కల్యాణ్ భీమ్లా నాయక్ రూ. 61.14 కోట్లు కలెక్ట్ చేసింది. ఇక ప్రభాస్ రాధేశ్యామ్ ఈ రెండు సినిమాలను మించి రూ. 72.41కోట్లు కలెక్ట్ చేయడం విశేషం. ఓవర్సీస్ లో ఈ క్లాస్ లవ్ స్టోరీని ప్రేక్షకులు ఇష్టపడుతున్నారు. తొలిరోజే రాధేశ్యామ్ యుఎస్ కలెక్షన్స్ 1 మిలియన్ మార్క్ దాటేశాయి. ఈ నెల 25న ఆర్ ఆర్ ఆర్ వచ్చే వరకు రాధేశ్యామ్ కలెక్షన్స్ కు ఢోకా లేదు. ఆ తర్వాత మాత్రం కలెక్షన్స్ భారీగా పడిపోయే అవకాశాలు ఉన్నాయి.
జ్యోతిష్యశాస్త్రం నేపథ్యంలో తెరకెక్కిన ప్రేమకథ చిత్రం రాధేశ్యామ్. మన రాత మన చేతుల్లో లేదు, చేతల్లో ఉంటుందనే విషయాన్ని ఓ ప్రేమకథతో ముడిపెట్టి చెప్పే ప్రయత్నం చేశారు. జ్యోతిషం ఒక శాస్త్రం అని చెబుతూనే… మన రాతని మనమే రాసుకోవచ్చని చెప్పిన తీరులో చాలా స్పష్టత ఉంది. ప్రభాస్ ఇమేజ్ కోసం మాస్ అంశాలను ఏమీ జోడించలేదు. కథని నమ్మి చాలా నిజాయితీగా తీసిన సినిమా ఇది. సినిమాలో ప్రభాస్-పూజాల కెమిస్ట్రీ చాలా బాగుంది. విజువల్స్, బ్యాక్ గ్రౌండ్ స్కోర్ అద్భుతం. అయితే.. ఎమోషనల్ సీన్స్ ఇంకాస్త బలంగా ఉండాల్సిందని అంటున్నారు. ఇదీగాక.. ప్రభాస్ నుంచి కోరుకునే మాస్ మసాల ఎలిమెంట్స్ మిస్సవడం ప్రేక్షకులు డిస్సపాయింట్ అవుతున్నరు.
