ఘోర రోడ్డు ప్రమాదం.. 6గురు మృతి
తూర్పుగోదావరి జిల్లా సామర్లకోట వద్ద సోమవారం అర్ధరాత్రి ఘోర రోడ్డు ప్రమాదం చోటుచేసుకుంది. ఆటోను టిప్పర్‌ లారీ ఢీకొట్టిన ఘటనలో ఆరుగురు అక్కడికక్కడే మృతిచెందారు. మరో 8 మందికి తీవ్ర గాయాలయ్యాయి.
పోలీసులు తెలిపిన వివరాల ప్రకారం.. కాకినాడ గ్రామీణ మండలం రామేశ్వరానికి చెందిన 15 మంది పెద్దాపురం మండలం వడ్లమూరులో జరిగిన ఓ వివాహ శుభకార్యానికి హాజరై ఆటోలో తిరుగుపయనమయ్యారు. సాంబమూర్తి రిజర్వాయర్‌ సమీపంలోని 5 తూముల వద్ద వీరి ప్రయాణిస్తున్న ఆటోను టిప్పర్‌ లారీ ఢీకొట్టింది. ఈ ప్రమాదంలో సాలాది నాగమణి(35), నొక్కు కమలమ్మ(35), పండు(3), ఇంద్రపాలెనికి చెందిన ఆటోడ్రైవర్‌ పెంకె రాజు(50) అక్కడికక్కడే మృతిచెందారు. గాయపడిన 8మందిని కాకినాడ ప్రభుత్వ ఆసుపత్రికి తరలించి చికిత్స అందిస్తున్నారు.
