మహేష్ 25 రిలీజ్ డేటు ఫిక్స్

సూపర్ స్టార్ మహేష్ బాబు అభిమానులకి గుడ్ న్యూస్. మహేష్ 25 సినిమా రిలీజ్ డేటు వచ్చేసింది. వంశీపైడి పల్లి దర్శకత్వంలో మహేష్ 25వ సినిమా తెరకెక్కుతోన్న సంగతి తెలిసిందే. ప్రస్తుతం ఈ సినిమా తొలి షెడ్యూల్ డెహ్రాడూన్’లో కొనసాగుతోంది. అక్కడ మహేష్ పై కాలేజీ నేపథ్యంలో వచ్చే సన్నివేశాలని చిత్రీకరిస్తున్నారు. ఈ సన్నివేశాలని సినిమాలో ఫ్లాష్ బ్యాక్ ఏపీసోడ్ లో చూపిస్తారని తెలిసింది.

ఇక, సినిమాలో మహేష్ ఓ అమెరికా కంపెనీకి సీఈవోగా కనిపిస్తాడట. ఆ పాత్రలో మహేష్ లుక్ అదిరిపోయేలా ఉంటుందని చెబుతున్నారు. డెహ్రాడూన్ షెడ్యూల్ పూర్తయిన హైదరాబాద్ షెడ్యూల్ ని ప్రారంభించనున్నారు. సినిమాని జెడ్ స్వీడుతో పూర్తి చేసి వచ్చే యేడాది వేసవిలో విడుదల చేయనున్నారు. తాజాగా, రిలీజ్ డేటుని ప్రకటించారు. ఏప్రిల్ 5న మహేష్ 25ని ప్రేక్షకుల ముందుకు తీసుకొస్తామని చిత్ర నిర్మాతలు ప్రకటించారు.

మహేష్ 25 నుంచి బోలోడు విషయాలు తెలియాల్సి ఉంది. టైటిల్ ఇంకా ఖరారు కాలేదు. ఫస్ట్ లుక్ రావాల్సి ఉంది. ఆ తర్వాత టీజర్, ట్రైలర్, సాంగ్స్ క్యూ కట్టనున్నారు. ఆడియో, ప్రీ-రిలీజ్ వేడుకలు జరుపుకోనుంది. ఇవన్నీ మహేష్ ఫ్యాన్స్ ని మురిపించనున్నాయి. ఈ సినిమా తర్వాత సుకుమార్ దర్శకత్వంలో ఓ సినిమా చేయబోతున్నాడు మహేష్. గతంలో వీరి కలయికలో వచ్చిన ‘వన్-నేనొక్కడినే’ కమర్షియల్ గా ఆడలేదు. దీంతో.. తనపై మరోసారి నమ్మకం ఉంచిన మహేష్ కోసం ఓ అద్భుతమైన కథని రెడీ చేసే పనిలో ఉన్నారు సుక్కు.