ఎఫ్ 3.. బ్లాక్ బస్టర్ సెలబ్రేషన్స్

నవ్వుల సినిమా ఎఫ్ 2 సీక్వెల్ గా వచ్చిన ఎఫ్ 3 బాక్సాఫీస్ దగ్గర అదరగొడుతోంది. ప్రేక్షకులను నాన్ స్టాప్ గా నవ్విస్తోంది. ఎఫ్ 2 మించిన నవ్వులు పంచుతోంది. హాట్ సమ్మర్ లో ప్రేక్షకులను హ్యాపీగా నవ్వుకుంటున్నారు. ఈ నేపథ్యంలో ఎఫ్ 3 చిత్రబృందం బ్లాక్ బస్టర్ సెలబ్రేషన్స్ గ్రాండ్ గా సెలబ్రేట్ చేసుకుంటోంది. అనిల్ రావిపూడి, వెంకీ, వరుణ్ తేజ్, మెహ్రీన్, దిల్ రాజు మస్త్ పార్టీ చేసుకున్నారు. దానికి సంబంధించిన ఫోటోలను సోషల్ మీడియాలో షేర్ చేశారు.

ఎఫ్ 3 – డబ్బు చుట్టూ తిరిగే కథ ఇది. పాత్రలన్నీ అత్యాశతో వ్యవహరిస్తుంటాయి. అందుకోసం అడ్డదారులు తొక్కుతుంటాయి. ఆ క్రమంలో పండే వినోదం కడుపుబ్బా నవ్విస్తుంది. తనకున్న రేచీకటి సమస్యని కప్పి పుచ్చుకునేందుకు వెంకటేష్ పడే పాట్లు ప్రథమార్ధానికి హైలైట్‌. నత్తితో బాధపడుతూ వరుణ్‌తేజ్ రకరకాల మేనరిజమ్స్‌ని ప్రదర్శించిన తీరు చాలా బాగుంటుంది. పాత సినిమాల పాటల్ని బ్యాక్‌గ్రౌండ్‌లో వినిపిస్తూ నవ్వించిన తీరు ఆకట్టుకుంది.

సినిమాలో ముఖ్యంగా మూడు ట్రాక్‌లు క‌నిపిస్తాయి. వ‌రుణ్-హ‌నీల దొంగాట‌, క‌మిష‌న‌ర్ ఇంట్లో రాబ‌రీ, ఆనంద‌ప్ర‌సాద్ వార‌సుడి అన్వేష‌ణ‌.. ఈ మూడూ కూడా ఇదివ‌ర‌క‌టి సినిమాల్లో చూసిన‌వే. తెలిసిన ఆ క‌థపైకి కూడా మ‌న‌సు వెళ్ల‌నీయ‌కుండా అడుగ‌డుగునా కామెడీ ఎపిసోడ్స్‌తో సినిమాని ప్యాక్ చేసేశాడు ద‌ర్శ‌కుడు. ఇక నటనలో వెంకటేష్ అదరగొట్టాడు. ఆయనతో వరుణ్ తేజ్ పోటీపడి నటించాడు. వ‌రుణ్‌తేజ్ ర‌క‌ర‌కాల మ్యాన‌రిమ్స్‌తో మంచి టైమింగ్‌ని ప్ర‌ద‌ర్శించాడు. తమన్నా, మెహ్రీన్ లతో పాటు సోనాల్ చౌహాన్ తమ పాత్రకు న్యాయం చేసింది.