ఐటమ్ హెగ్డే

పూజా హెగ్డే కాస్త ఐటమ్ హెగ్డే గా మారిపోయేలా కనిపిస్తుంది. ఈ ముద్దుగుమ్మకు ఐటమ్ టేస్ట్ బాగా నచ్చినట్టుంది. వరుసగా ఐటమ్ సాంగ్ చేసేందుకు గ్రీన్ సిగ్నల్ ఇస్తోంది. రంగస్థలం సినిమా కోసం తొలిసారి ఐటమ్ అవతారం ఎత్తింది పూజా. ఆ తర్వాత ఎఫ్ 3 కోసం మరోసారి ఐటమ్ వేషాలు వేసింది. గత శుక్రవారం ప్రేక్షకుల ముందుకొచ్చిన ఎఫ్ 3 లో పూజా ఐటమ్ హైలెట్ అయింది. ఈ నేపథ్యంలో మరో ఐటమ్ సాంగ్ కి పూజా గ్రీన్ సిగ్నల్ ఇచ్చినట్టు సమాచారం.

రణ్ బీర్ కపూర్ – రష్మిక మందన జంటగా సందీప్ వంగా తెరకెక్కిస్తున్న బాలీవుడ్ చిత్రం ‘యానిమల్’. ఇందులో ఓ అదిరిపోయే ఐటమ్ సాంగ్ ఉందట. ఈ సాంగ్ కోసం పూజా హెగ్డే ను తీసుకున్నట్టు తెలుస్తోంది. సౌత్ లో స్టార్ హీరోయిన్ గా రాణిస్తున్న పూజాకు బాలీవుడ్ లోనూ మంచి క్రేజ్ ఉంది. ఈ నేపథ్యంలో పాన్ ఇండియా సినిమాలకు ఈ ముద్దుగుమ్మ బెస్ట్ ఆప్షన్ గా మారింది.