విజయ్ తో పూజా.. జనగణమన

విజ‌య్ దేవ‌ర‌కొండ – పూరి జ‌గ‌న్నాథ్ కాంబోలో ‘లైగ‌ర్‌’ తెరకెక్కింది. షూటింగ్ పూర్తి చేసుకున్న ఈ సినిమా ప్రోస్ట్ ప్రొడక్షన్ పనులు జరుపుకుంటోంది. ఆగస్టు 25న లైగర్ ప్రేక్షకుల ముందుకు రాబోతుంది. ఇక లైగర్ రిలీజ్ కాకుండానే  జ‌న‌గ‌ణ‌మ‌న‌ ప్ర‌క‌టించేశాడు. కొంత‌మేర షూటింగ్ కూడా జ‌రిగింది. 

ఈ సినిమాలో పూజా హెగ్డే కూడా ఉంద‌ని టాక్ బ‌య‌ట‌కు వ‌చ్చింది. ఇందులో పూజా హీరోయిన్ కాద‌ని, ఐటెమ్ సాంగ్ కే ప‌రిమితం అవుతుంద‌ని వార్త‌లొస్తున్నాయి. అయితే.. ఇందులో ఏమాత్రం నిజం లేద‌ని… పూజా పీఆర్ టీమ్ స్ప‌ష్టం చేసింది. “జ‌న‌గ‌ణ‌మ‌న‌లో.. పూజా హెగ్డే హీరోయిన్‌. ఇందులో మ‌రో మాట లేదని క్లారిటీ ఇచ్చారు. జూన్ రెండో వారంలో ముంబైలో జ‌న‌గ‌ణ‌మ‌న‌ షూటింగ్ మొద‌లు కానుంది. ఇందులో పూజా పాల్గొంటారు. 

మరోవైపు అర్జున్ రెడ్డి దర్శకత్వంలో రణ్ బీర్ కపూర్ -రష్మిక జంటగా తెరకెక్కుతోన్న యానిమల్ సినిమాలో పూజా హెగ్డే ఐటమ్ సాంగ్ చేయనుందనే వార్తలు వినిపిస్తున్నాయి. ఈ ప్రచారంపై పూజా క్లారిటీ ఇవ్వాల్సి ఉంది.