RRR ట్రెండింగ్ నెం.1

‘ఆర్ఆర్ఆర్’ ఓటీటీలోనూ అదరగొడుతోంది. ప్రస్తుతం జీ5లో స్ట్రీమింగ్ అవుతోంది.. ఈ సూపర్ హిట్ మూవీ. ప్రతి నిమిషానికి దాదాపు వెయ్యి మంది ఈ సినిమాను వీక్షిస్తున్నారు. దీంతో జీ5లో ట్రెండింగ్ టాప్ లో కొనసాగుతోంది. ఈ విషయాన్ని తెలియజేస్తూ.. జీ5 స్పెషల్ పోస్టర్ ఒకటి షేర్ చేసింది.  మార్చి 25న థియేటర్స్ లోకి వచ్చిన ఆర్ ఆర్ ఆర్ కు ప్రేక్షకులు బ్రహ్మరథం పట్టారు. దాదాపు వెయ్యి కోట్లకు పైగా వసూలు రాబట్టింది. రిలీజైన ప్రతిచోట సరికొత్త రికార్డులు సృష్టించింది. 

తొలితరం స్వాతంత్య్ర సమరయోధులు కొమరం భీమ్, అల్లూరి సీతారామరాజు జీవితాల్లోని ఓ ఉమ్మడి పాయింట్ ఆధారంగా రాజమౌళీ ఈ కథని తెరకెక్కించారు. అల్లూరిగా రామ్ చరణ్, ఆయనకు జంటగా బాలీవుడ్ బ్యూటీ అలియా భట్ నటించారు. కొమరం భీమ్ గా ఎన్ టీఆర్, ఆయనకు జంటగా హాలీవుడ్ హీరోయిన్ ఒలివియా మోరీస్ నటించారు. అజయ్ దేవగణ్, శ్రియ, సముద్రఖని తదితరులు ఇతర కీలక పాత్రల్లో నటించారు. ఈ చిత్రానికి ఎం.ఎం కీరవాణి సంగీతం. డివివి దానయ్య నిర్మించారు.