మహేష్ ఆ.. సెంటిమెంట్ బ్రేక్

మే 31 – సీనియర్ సూపర్ స్టార్ కృష్ణ పుట్టినరోజు. ఈరోజు అభిమానులకు గిఫ్ట్ ఇవ్వడం సెంటిమెంట్ గా వస్తున్నారు మహేష్ బాబు. ఈ సారి కూడా ఒక కాదు.. రెండు బహుమతులు మహేష్ నుంచి వస్తాయని అభిమానులు ఆశపడ్డారు. కానీ ఒక్కటంటే ఒక్క గిఫ్ట్ రాలేదు. దీంతో మహేష్ ఆ.. సెంటిమెంట్ ను బ్రేక్ చేశాడని ఫ్యాన్స్ చెప్పుకుంటున్నారు.

మహేష్ తదుపరి సినిమా త్రివిక్రమ్ డైరెక్షన్ లో ఉండనుంది. ఏప్రిల్ లో రెగ్యులర్ షూటింగ్ ప్రారంభం కావాల్సిన సినిమా. ఈ నెలలో మొదలవుతుంది అంటున్నారు. ఈ నేపథ్యంలో టైటిల్ తో పాటు మహేష్ ఫస్ట్ లుక్ కూడా మే 31న వస్తుందని అభిమానులు భావించారు. కానీ ఎలాంటి అప్ డేట్ లేకుండా కేవలం సూపర్ స్టార్ కు బర్త్ డే విషెస్ చెప్పడంతో సరిపెట్టింది హారిక అండ్ హాసినీ క్రియేషన్స్.

ఇక రాజమౌళి దర్శకత్వంలో కూడా మహేష్ ఓ సినిమా చేయబోతున్నాడు. త్రివిక్రమ్ మూవీ తర్వాత స్టార్ట్ అయ్యేది ఇదే. ఈ కాంబినేషన్ పై ఇప్పట్నుంచి ప్రకటన ఆశించడం అత్యాశే అవుతుందని ఫ్యాన్స్ కు తెలుసు. కానీ మహేష్-రాజమౌళి ఫొటోలతో ఫార్మల్ గా చిన్న పోస్టర్ అయినా వదులుతారేమోనని కొంతమంది ఎదురుచూశారు. అది కూడా జరగలేదు. ఈ రెండు ప్రాజెక్టులు పక్కనపెడితే, మహేష్ నుంచి మరో కొత్త సినిమా ప్రకటన వస్తుందనే ప్రచారం కూడా జరిగింది. 14 రీల్స్ బ్యానర్ పై ఆ ప్రకటన వస్తుందంటూ ఊహాగానాలు వినిపించాయి. కానీ అది కూడా జరగలేదు.