బస్సులో మంటలు.. ఏడుగురు సజీవదహనం

కర్ణాటకలో ఘోర రోడ్డు ప్రమాదం జరిగింది. గోవా నుంచి హైదరాబాద్‌ వస్తున్న బస్సులో మంటలు చెలరేగడంతో ఏడుగురు సజీవదహనమైనట్టు సమాచారం. కలబురిగి జిల్లా కమలాపురలో మినీ లారీని ఆరెంజ్‌ ట్రావెల్స్‌ బస్సు ఢీకొట్టి బోల్తా పడింది. ఈ క్రమంలో మంటలు చెలరేగాయి. 

ప్రమాదం జరిగిన సమయంలో బస్సులో డ్రైవర్‌ సహా 35 మంది ప్రయాణికులు ఉన్నారు. 12 మందిని స్థానికులు రక్షించి ఆస్పత్రికి తరలించారు. ప్రమాదంలో మినీ లారీ డ్రైవర్‌కి తీవ్ర గాయాలు కాగా.. ప్రస్తుతం అతడు ఆస్పత్రిలో చికిత్స పొందుతున్నాడు. మృతుల్లో తెలంగాణ వాసులు ఉన్నట్లు తెలుస్తోంది.