ఎఫ్ 4 ఎప్పుడంటే ?

ఎఫ్ 2 హిట్ట‌వ్వ‌డంతో.. ఎఫ్ 3 వ‌చ్చింది. ఆ సినిమా కూడా వంద కోట్ల క్ల‌బ్‌లో చేరిపోయింది. ఇప్పుడు ఎఫ్ 4కి రంగం సిద్ధం అవుతోంది. ఎఫ్ 2ని ఓ ఫ్రాంచైజీగా ఎప్ప‌టికీ అలానే కొన‌సాగించాల‌న్న‌ది అనిల్ రావిపూడి ఆలోచ‌న‌. డ‌బ్బులు వ‌స్తున్నంత వ‌ర‌కూ ఈ క్రేజ్ తో ఎఫ్ 3, ఎఫ్ 4, ఎఫ్ 5…. ఇఆ తీస్తూనే ఉండాల‌న్న‌ది దిల్ రాజు ఉద్దేశ్యం.

అయితే ఎఫ్ 4 ఇప్ప‌ట్లో లేదు. దానికి చాలా స‌మ‌యం ప‌డుతుంద‌ని అనిల్ రావిపూడి క్లారిటీ ఇచ్చేశారు. త్వ‌ర‌లో బాల‌కృష్ణ‌తో ఓ సినిమా చేయ‌బోతున్నారు అనిల్ రావిపూడి. ఆ త‌ర‌వాత దిల్ రాజు ప్రొడ‌క్ష‌న్‌లో మ‌రో సినిమా ఉంటుంది. అది ఎఫ్ 4 కాదు. మ‌రో హీరోతో.. ఓ పూర్తి స్థాయి క‌మ‌ర్షియ‌ల్ సినిమా చేస్తారు రావిపూడి. ఈ రెండు ప్రాజెక్టులూ అయ్యాకే ఎఫ్ 4 ఉంటుంది. ఈ సీజ‌న్‌లో వెంక‌టేష్‌, వ‌రుణ్‌తేజ్‌లు కంటిన్యూ అవుతారు. కానీ త‌మ‌న్నా, మెహ‌రీన్ పాత్ర‌ల‌కు రిప్లేస్ మెంట్ ఉంటుంది. ఈ విష‌యాన్ని కూడా అనిల్ రావిపూడి న‌ర్మ‌గ‌ర్భంగా చెప్పేశారు.