రేపే #Thalapathy66 ఫస్ట్ లుక్

కోలీవుడ్ స్టార్ విజయ్ అభిమానులకు గుడ్ న్యూస్. ఒక్కరోజు ముందే బర్త్ డే గిఫ్ట్ అందబోతుంది. 22న విజయ్ 48వ పుట్టినరోజు జరుపుకోబోతున్నారు. అయితే అంతకంటే ఒక్కరోజు ముందే అంటే రేపు (జూన్ 21) #Thalapathy66 ఫస్ట్ లుక్ ను రిలీజ్ చేయబోతున్నారు. 

ఈ చిత్రానికి తెలుగు దర్శకుడు వంశీ పైడిపల్లి దర్శకత్వం వహిస్తున్నారు. దిల్ రాజు నిర్మిస్తున్నారు. విజయ్ కి జంటగా రష్మిక మందన నటిస్తున్నారు. థమన్ సంగీతం అందిస్తున్నారు. ఇప్పటి వరకు ఎవరూ టచ్ చేయని కథతో ఈ సినిమా తెరకెక్కుతున్నట్టు మేకర్స్ చెబుతున్నారు. వాస్తవానికి ‘మహర్షి’ తర్వాత మహేష్ బాబుతో మరో సినిమా చేయాలని వంశీ ఆశపడ్డారు. అయితే కొన్ని కారణాల వలన ఆ సినిమా వర్కవుట్ కాలేదు. కొన్ని రోజులు ఖాళీగానే ఉన్న వంశీ విజయ్ కి కథ చెప్పి ఒప్పించారు.