లైగర్ ప్రమోషన్స్ షురూ

విజ‌య్ దేవ‌ర‌కొండ – పూరి జ‌గ‌న్నాథ్ కాంబోలో ‘లైగ‌ర్‌’ తెరకెక్కింది. షూటింగ్ పూర్తి చేసుకున్న ఈ సినిమా ప్రోస్ట్ ప్రొడక్షన్ పనులు జరుపుకుంటోంది. ఆగస్టు 25న లైగర్ ప్రేక్షకుల ముందుకు రాబోతుంది. ఇక లైగర్ రిలీజ్ కాకుండానే  జ‌న‌గ‌ణ‌మ‌న‌ ప్ర‌క‌టించేశాడు. కొంత‌మేర షూటింగ్ కూడా జ‌రిగింది. ఈ నేపథ్యంలో పూరి లైగర్ ను పట్టించుకోవడం లేదనే వార్తలు వినిపిస్తున్నాయి. ఈ నేపథ్యంలో చిత్రబృందం లైగర్ ప్రమోషన్స్ పై క్లారిటీ ఇచ్చింది.

ఈ నెలాఖరు నుంచి లైగర్ ప్రమోషన్స్ షురూ చేస్తామని, ఇక వచ్చే నెల నుంచి పూర్తిస్థాయి ప్రమోషన్స్ కార్యక్రమాలను నిర్వహిస్తామని తెలిపింది. లైగర్ లో విజయ్ కి జంటగా అనన్య పాండే నటించింది. సీనియర్ హీరోయిన్ రమ్యకృష్ణ కీలక పాత్రలో నటించారు. పూరి కనెక్ట్ తో కలిసి ఈ సినిమాను ప్రముఖ బాలీవుడ్ దర్శక నిర్మాత కరణ్ జోహార్ నిర్మించారు.