శభాష్ తాప్సీ

మ‌హిళా క్రికెట‌ర్లలో ఆణిముత్యం లాంటి క్రీడాకారిణి మిథాలీ రాజ్  ఆమె జీవిత క‌థగా శభాష్ మిథు తెరకెక్కింది. మిథాలి పాత్ర‌లో తాప్సి క‌నిపించ‌బోతోంది. వ‌చ్చే నెల 15న ఈ చిత్రం ప్రేక్ష‌క‌ల ముందుకు రాబోతోంది. సోమవారం ఈ సినిమా ట్రైలర్ ను రిలీజ్ చేశారు.

పేరుకు ఇది మిథాలీ బయోపిక్ నే అయినా.. మ‌హిళా క్రికెట‌ర్ల‌పై ఉన్న వివ‌క్ష‌త‌కు ట్రైల‌ర్ అద్దం ప‌ట్టింది. ఓ ద‌శ‌లో మ‌హిళా జ‌ట్టుని బీసీసీఐ దూరం పెట్టింది. వాళ్ల‌ను డీ గ్రేడ్ ఆట‌గాళ్లుగా చూసింది. క‌నీసం జెర్సీలు కూడా ఇవ్వ‌లేదు. అడిగితే…. పురుషుల జెర్సీలు పంపి, వాటినే వాడుకోమ‌ని చెప్పింది. ఇవ‌న్నీ… శ‌భాష్ మిథులో క‌ళ్ల‌కు క‌ట్టాడు ద‌ర్శ‌కుడు.మిథాలీ క‌థ చూస్తుంటే, ఆ ఎమోష‌న‌ల్ డ్రామా ఈ క‌థ‌లో బాగా పండిన‌ట్టు అనిపిస్తోంది. ఇక మిథాలీ పాత్రలో తాప్సి ఒదిగిపోయిన విధానం అద్భుతం.