ఎవరీ.. ఈ సినీ శెట్టి ?

ఈ ఏడాది ఫెమినా మిస్‌ ఇండియా కిరీటాన్ని కర్ణాటకకు చెందిన సినీ శెట్టి కైవసం చేసుకుంది. అన్నీ పోటీల్లో ఉత్తమ ప్రతిభ కనబర్చిన సినీ శెట్టి అందంలో విజేతగా నిలిచింది. రాజస్థాన్‌కు చెందిన రూబల్‌ శెఖావత్‌ మొదటి రన్నరప్‌గా, ఉత్తరప్రదేశ్‌ యువతి షినాటా చౌహాన్‌ రెండో రన్నరప్‌గా ఎంపికయ్యారు.

ఈ నేపథ్యంలో విజేతగా నిలిచిన సినీ శెట్టి ఎవరు ? ఆమె నేపథ్యం ఏంటి ? అని ఆరా తీసే పనిలో నెటిజన్లు ఉన్నారు. సినీ శెట్టి పూర్తి పేరు సినీ సదానంద్ శెట్టి. ఆమె ముంబైలో పుట్టింది. ఆ తర్వాత ఆమె ఫ్యామిలీ కర్ణాటక కు వచ్చి ఇక్కడే సెటిల్ అయింది. 21 ఏళ్ల సినీ శెట్టి క్లాసిక్ డ్యాన్సర్ కూడా. పద్మిని రాధాకృష్ణన్ దగ్గర భరత నాట్యం నేర్చుకుంది. సినీ శెట్టి అకౌంటింగ్ మరియు ఫైనాన్స్‌లో బ్యాచిలర్ డిగ్రీ పూర్తి చేసింది. చార్టర్డ్ ఫైనాన్షియల్ అనలిస్ట్ (CFA) పూర్తి చేసింది. ఫెమినా మిస్‌ ఇండియా విజేతగా నిలవడంతో అప్పుడే సినీ శెట్టి సినిమా ఆపర్లు క్యూ కడుతున్నట్టు సమాచారం.