అపూర్వ.. ఓ థ్రిల్లర్ !

హీరోయిన్ గా ఎంట్రీ ఇవ్వాలి. యూత్ ఫుల్ ఫిల్మ్స్ తో మెప్పించాలి. గ్లామర్ పాత్రలో మెప్పించాలి. స్టార్ హీరోయిన్ గా ఎదగాలి. ఆ తర్వాత నటనకు ప్రాధాన్యత ఉన్న పాత్రల్లో, లేడీ ఓరియెంటెడ్ సినిమాల్లో నటించాలి. ఇప్పుడు బాలీవుడ్ భామ తారా సుతారియా అదే చేస్తోంది. మార్జావాన్, తడప్ సినిమాల్లో నటించింది. మంచి నటి అనిపించుకుంది.

గ్లామర్ హీరోయిన్ కు సరిపోయే సరుకు ఈ అమ్మడు సొంతం. ఆ అందాలను తరచూ కెమెరా ముందు ఆరబోసే అలవాటు కూడా ఉంది. దీంతో అటు గ్లామర్ రోల్స్, ఇటు నటనకు ప్రాధాన్యత ఉన్న పాత్రలు వెతుక్కుంటూ వస్తున్నాయి. తాజాగా తారా సుతారియా లీడ్ రోల్ లో ‘అపూర్వ’ అనే కొత్త సినిమా ప్రకటన వచ్చింది. ఈ థ్రిల్లర్ చిత్రానికి నిఖిల్ నగేష్ భట్ దర్శకత్వం వహించనున్నారు. స్టార్ స్టూడియోస్ తో కలిసి మురద్ ఖేతని ఈ చిత్రాన్ని నిర్మిస్తున్నారు. ఇక సుతారియా హీరోయిన్ గా నటించిన ‘ఏక్ విలన్ రిటర్న్స్’ ఈ నెల 29న రిలీజ్ కానుంది. మంచి సింగర్, డాన్సర్ కూడా. ‘స్టూడెంట్ ఆఫ్ ది ఇయర్ 2’తో బాలీవుడ్ తెరకు పరిచయం అయింది.