బాలీవుడ్ నిర్మాత ఇంట్లో రస్మిక

రిలీజ్ కు ముందే సినిమా బ్లాక్ బస్టర్ హిట్ అయినట్టు.. బాలీవుడ్ లో రష్మిక మందన క్రేజ్ కనిపిస్తుంది. ప్రస్తుతం బాలీవుడ్ లో నాలుగు సినిమాలు చేస్తోంది. అయితే ఇప్పటివరకు ఒక్క సినిమా కూడా రిలీజ్ కాలేదు. కానీ స్టార్ హీరోయిన్ క్రేజ్ సొంతం చేసుకుంది. ‘పుష్ప’ బాలీవుడ్ లోనూ బ్లాక్ బస్టర్ హిట్ కావడం.. ఆ వెంటనే పలు కమర్షియల్ యాడ్స్ చేయడంతో.. హిందీ ప్రేక్షకులకు రష్మిక బాగా దగ్గరైంది.

మరోవైపు తన ప్రత్యేకమైన స్టైల్ తో ప్రేక్షకులను బుట్టలో వేసుకుంటోంది. సోమవారం ఈ ముద్దుగుమ్మ ముంబైలోని సిద్ధార్థ్ రాయ్ కపూర్ ఆఫీస్ కు వెళ్తూ సరికొత్త లుక్ లో  మెస్మరైజ్ చేసింది. దానికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి. ప్రస్తుతం రష్మిక బాలీవుడ్ లో నాలుగు సినిమాలు మిషన్ మజ్ను, గుడ్ బై, యానిమల్, స్క్రూ ధీలా చేస్తోంది. పుష్ప 2, వారసుడు సినిమాల్లో నటిస్తోంది.