మునుగోడులో కాల్పుల కలకలం.. బైక్ పై వెళ్తున్న వ్యక్తి పై మూడు రౌండ్ల కాల్పులు

మునుగోడు ఉప ఎన్నిక రాబోతున్న నేపథ్యంలో తెలంగాణ రాజకీయాలు ఒక్కసారిగా వేడెక్కాయి. ప్రధాన పార్టీలన్నీ మునుగోడు వైపు చూస్తున్నారు. రాబోయే ఉప ఎన్నికలో గెలుపు కోసం అస్త్రశస్త్రాలు రెడీ చేసుకుంటున్నాయి. ఇలాంటి టైమ్ లో మునుగోడులో తుపాకీ కాల్పుల శబ్దం వినబడింది.

మునుగోడు మండలం ఊకొండి వద్ద కాల్పులు కలకలం సృష్టించాయి. బైకుపై వెళ్తున్న యువకుడిపై దుండగులు మూడు రౌండ్ల కాల్పులు జరిపారు. తీవ్రగాయాలవ్వడంతో స్థానికులు అతడిని నార్కట్‌పల్లి కామినేని ఆస్పత్రికి తరలించారు. బాధితుడిని కోమటిరెడ్డి రాజగోపాల్ రెడ్డి సొంత గ్రామం బ్రాహ్మణవెళ్లెం చెందిన లింగస్వామిగా గుర్తించారు. సమాచారం అందుకున్న పోలీసులు నిందితుల కోసం ఆరా తీస్తున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది.