బాలీవుడ్ లో నిఖిల్ హవా

టాలీవుడ్ యంగ్ హీరో నిఖిల్ పాన్ ఇండియా సినిమాతో వస్తున్నాడంటే.. అందరిలో ఆశ్చర్యం. తెలుగులో ఇంకా స్టార్ హీరో అనిపించుకోలేదు. అప్పుడే పాన్ ఇండియా సినిమానా ? ఓవర్ కాన్ఫిడెన్స్ అంటూ హేళనగా మాట్లాడుకున్నారు. ఫైనల్ నిఖిల్ హీరోగా చందూ మొండేటి ద‌ర్శ‌క‌త్వంలో ‘కార్తికేయ 2’ తెరకెక్కింది. అయితే పలుమార్లు ఈ సినిమా విడుదల వాయిదా పడింది. థియేటర్స్ దొరకలేదు. నవంబర్ లేదా డిసెంబర్ కు వాయిదా వేసుకోవాలని బెదిరింపులు కూడా వచ్చాయి. ఆఖరికి మూడ్నాలుగు సినిమాలతో పోటీ మధ్య కార్తికేయ 2 శనివారం ప్రేక్షకుల ముందుకు వచ్చింది. హిట్ టాక్ సొంతం చేసుకుంది.

ఒక్క తెలుగులో మాత్రమే కాదు.. బాలీవుడ్ ప్రేక్షకులను ఆకట్టుకుంటోంది.. ఈ సినిమా. అమీర్ ఖాన్ లాల్ సింగ్ చడ్డా, అక్షయ్ కుమార్ రక్షాబంధన్ సినిమాలతఓ బాక్సాఫీస్ దగ్గర పోటీ పడుతోంది. రోజు రోజుకి ఈ సినిమా షోస్, కలెక్షన్స్ పెరుగుతున్నాయి. తొలిరోజు హిందీలో 157 షోస్ పడ్డాయి. కేవలం రూ. 7 లక్షల కలెక్షన్స్ వచ్చాయి. అయితే హిట్ టాక్ తో రెండో రోజు అనూహ్యంగా పుంజుకుంది. ఆదివారం 245 షోస్ పడ్డాయి. కలెక్షన్స్ రూ. 28 లక్షలకు పెరిగాయి. అంతే దాదాపు 300 శాతం గ్రోత్ అన్నమాట. ఇక సోమవారం కార్తికేయ 2 హిందీ వర్షన్ షోస్ 274 కి పెరిగాయి. నిఖిల్ సినిమా గురించి బాలీవుడ్ క్రిటిక్స్ గొప్పగా చెబుతున్నారు. 

#Karthikeya2 – dubbed in #Hindi – is creating noise in the #Hindi market, despite [i] releasing on Sat, [ii] facing giants like #LSC and #RB and [iii] showcasing at veryyy few screens/shows… Sat 7 lacs, Sun 28 lacs. Total: ₹ 35 lacs… Growth of 300% on Day 2. HINDI version. pic.twitter.com/xES9xMxgXi— taran adarsh (@taran_adarsh) August 15, 2022