ముంబై కి కార్తికేయ 2 టీమ్

ఎవరైనా సక్సెస్ కావడానికి బాలీవుడ్ కి వెళ్తారు. తొలి సినిమాతో తమను తాను పరిచయం చేసుకొని.. ఆ తర్వాత మరిన్ని ఆఫర్ల కోసం ప్రయత్నాలు చేస్తారు. అయితే టాలీవుడ్ యంగ్ హీరో నిఖిల్ సిద్ధార్థ్ ఇందుకు పూర్తి భిన్నంగా ముంబై వెళ్తున్నాడు. చందూ మొండేటి దర్శకత్వంలో ఆయన నటించిన సినిమా కార్తికేయ 2. ఆగస్టు 13న ప్రేక్షకుల ముందుకొచ్చిన ఈ సినిమాను సరదాగా బాలీవుడ్ లో రిలీజ్ చేశారు. మొదటి రోజు 50 థియేటర్స్ లో రిలీజైన ఈ సినిమా.. నాలుగు రోజుల్లో వెయ్యి థియేటర్స్ పెరిగాయి.

ప్రతిరోజు కోట్ల రూపాయలు కలెక్ట్ చేస్తోంది. కార్తికేయ కథ. అందులో నిఖిల్, అనుపమ, అనుపమ్ ఖేర్ ల నటనకు బాలీవుడ్ జనాలు ఫిదా అవుతున్నారు. కృష్ణతత్వం.. ఫాంటసీ అంశాలు ప్రేక్షకులని ఆకట్టుకుంటున్నాయి. ఇప్పటి వరకు కార్తీకేయ 2 బాలీవుడ్ లో దాదాపు రూ. 6 కోట్లు కలెక్ట్ చేసింది. ఇక వరల్డ్ వైడ్ గా ఈ సినిమా వసూళ్లు రూ. 60 కోట్లు దాటాయి. దీంతో చిత్రబృందం ఆనందంలో ఉంది. మరోవైపు, బాలీవుడ్ లో రోజు రోజుకి సినిమాకు పెరుగుతున్న ఆదరణ నేపథ్యంలో.. కార్తికేయ టీమ్ ముంబై చేరుకుంది. రేపటి నుంచి ముంబైలో థియేటర్స్ విజిట్ చేయనుంది. బాలీవుడ్ మీడియా కోసం స్పెషల్ ఇంటర్వ్యూలు ఇవ్వనుంది. 

MUMBAI.. #Karthikeya2 Coming to See u in Theatres today 🔥👻 Starting with Fun Republic Andheri and more… #Karthikeya2Hindi pic.twitter.com/QvdxBjXCSr— Nikhil Siddhartha (@actor_Nikhil) August 20, 2022