మహేష్ సినిమాపై తరుణ్ క్లారిటీ

త్రివిక్రమ్ ఫస్ట్ హీరో తరుణ్. ఆయన హీరోగా నటించిన ‘నువ్వే నువ్వే’ సినిమాతో తివిక్రమ్ దర్శకుడిగా పరిచయం అయ్యారు. ఆ తర్వాత వీరి కాంబోలో మరో సినిమా రాలేదు. అయితే   మహేష్  తో ఒక సినిమా చేస్తున్నారు త్రివిక్రమ్. ఈ సినిమాలో తరుణ్‌ రీఎంట్రీ ఇవ్వనున్నారంటూ ప్రచారం జరిగింది. ఈ సినిమాలో ఓ కీలక పాత్రలో తరుణ్ కనిపిస్తారనే వార్తలు వినిపించాయి.

ఈ ప్రచారంపై తరుణ్ స్పందించారు.  ఇందులో నిజం లేదని క్లారిటీ ఇచ్చారు. మహేశ్‌ సినిమాలో తాను నటించడం లేదని.. సోషల్‌మీడియాలో వస్తోన్న వార్తలన్నీ అవాస్తవాలేనని స్పష్టం చేశారు. తన జీవితంలో ఏం జరిగినా తానే స్వయంగా అభిమానులతో పంచుకుంటానని చెప్పుకొచ్చారు. ‘అతడు’, ‘ఖలేజా’ తర్వాత మహేశ్‌ బాబు – త్రివిక్రమ్‌ కాంబినేషన్‌లో వస్తున్న చిత్రమిది. పూజా హెగ్డే కథానాయిక. అర్జునుడు, పార్ధు అనే టైటిల్ ప్రచారంలో ఉన్నాయి.   ఈ చిత్రానికి తమన్ సంగీతం అందిస్తున్నారు.