కోబ్రా కు ట్రిమ్మింగ్.. ఎన్ని నిమిషాలో తెలుసా ?

విక్రమ్ హీరోగా నటించిన కోబ్రా సినిమా లెంగ్త్ ను ట్రిమ్ చేస్తున్నట్లుగా చిత్ర యూనిట్ ప్రకటించింది. 20 నిమిషాల నిడివి ని ట్రిమ్ చేసినట్టు అధికారిక ప్రకటన ఒకటి రిలీజ్ చేశారు. క్రైమ్ థ్రిల్లర్ కథాంశంతో తెరకెక్కిన ఈ చిత్రానికిఅజయ్జ్ఞాన‌ముత్తు దర్శకత్వం వహించాడు. ఇందులో విక్రమ్ కోబ్రా అనే కాంట్రాక్ట్ కిల్లర్ గా, మది అనే మ్యాథ్స్ జీనియస్ పాత్రల్లో కనపించాడు. పది గెటప్ లలో విక్రమ్ కనిపించడం ఆకట్టుకుంటోంది. ఈ సినిమాలో విక్రమ్ కు జోడీగా శ్రీనిధిశెట్టి హీరోయిన్ గా నటించింది

  క్రైమ్ మిస్టరీ థ్రిల్లర్ కథాంశంతో తెరకెక్కిన ఈ సినిమా నిడివి మూడు గంటల మూడు నిమిషాలు ఉండటం తొలి నుంచి ఆసక్తిని రేకెత్తించింది. కానీ సినిమా రిలీజ్ తర్వాత లెంగ్త్ పై చాలా విమర్శలొచ్చాయి. సినిమా నిడివి తగ్గిస్తే బాగుంటుందని కామెంట్స్ వినిపించాయి. ప్రేక్షకుల కామెంట్స్ ను సీరియస్ గా తీసుకున్న చిత్ర యూనిట్ సినిమా లెంగ్త్ ను 20 నిమిషాలు ట్రిమ్ చేస్తున్నట్లు ప్రకటించింది. గురువారం సాయంత్రం నుంచే ట్రిమ్ వెర్షన్ థియేటర్లలో అందుబాటులోకి రానున్నట్లు ప్రకటించింది. ట్రిమ్ తర్వాత ఈ సినిమా నిడివి 2.43 నిమిషాలుగా ఉండనున్నట్లు పేర్కొన్నది.