జనగణమన ఆగింది ?
రౌడీ హీరో విజయ్ దేవరకొండను పూరి జగన్నాథ్ గుత్త పట్టిన సంగతి తెలిసిందే. ఆయనతో బ్యాక్ టు బ్యాక్ పాన్ ఇండియా సినిమాలు ప్లాన్ చేశారు. లైగర్ రిలీజ్ కాకముందే ‘జనగణమన’ సెట్స్ మీదకు తీసుకెళ్లారు. ఇప్పటికే కొంత మేర షూటింగ్ కూడా పూర్తయింది. అయితే లైగర్ ప్లాప్ తో ఇప్పుడు ఇబ్బందులు తలెత్తాయి.
విజయ్ దేవరకొండ లాంటి హీరోతో ఇలాంటి ఔట్ డేటెడ్ స్టోరీ తీయడమేంటి? అని ఫ్యాన్స్ నుంచి ప్రశ్నలు ఎదురవుతున్న తరుణంలో పూరి ఆలోచనల్లో పడ్డారని ఫిల్మ్ వర్గాల సమాచారం. జేజీఎం(జనగణమన) చిత్రాన్ని తెరకెక్కించే ఆలోచనలను తాత్కలికంగా నిలిపివేశారని సన్నిహిత వర్గాల సమాచారం. మరోవైపు కొన్నాళ్ల పాటు సోషల్ మీడియా కు దూరంగా ఉండబోతున్నట్టు ఛార్మి ట్వీట్ చేసింది.
