సమంత ప్రెగ్నెంట్.. చాలా జాగ్రత్తగా ఉండాలని డాక్టర్ సూచనలు !

స్టార్ హీరోయిన్ సమంత ప్రెగ్నెంట్ అయింది. ఈ విషయాన్ని డాక్టర్ చెప్పిన సమయంలో ఆమె ఒకింత షాక్ కి గురైంది. అయితే రియల్ లైఫ్ లో కాదు. రీల్ లైఫ్ లో. హరి-హరీశ్‌ డైరెక్షన్ లో సమంత ప్రధాన పాత్రలో తెరకెక్కిన సినిమా ‘యశోధ’. తాజాగా ఈ సినిమా టీజర్‌ని చిత్రబృందం విడుదల చేసింది. ఇందులో సమంత గర్భిణిగా కనిపించనున్నారు.

“కంగ్రాట్స్‌ నువ్వు ప్రెగ్నెంట్‌. మొదటి మూడు నెలలు చాలా జాగ్రత్తగా ఉండాలి. టైమ్‌కి తినాలి. ఎక్కువసేపు నిద్రపోవాలి. జాగ్రత్తగా నడవాలి. ఇంట్లో పనులు చేయొచ్చు.. కానీ, బరువులెత్తకూడదు. ఏ పని చేసినా దెబ్బతగలకుండా చూసుకోవాలి” అంటూ డాక్టర్ సూచనలు చేస్తుంటే.. మరోవైపు అందుకు కంప్లీట్ వ్యతిరేకంగా జరిగే సీన్స్ తో టీజర్ ఉత్కంఠగా సాగింది. ఈ సినిమాలో రలక్ష్మి శరత్‌కుమార్‌, ఉన్ని ముకుందన్‌, రావు రమేశ్‌, మురళీ శర్మ కీలకపాత్రలు పోషిస్తున్నారు. మణిశర్మ స్వరాలు అందిస్తున్నారు.