టీ20 వరల్డ్ కప్ కోసం భారత జట్టు ప్రకటన

అక్టోబర్ 16 నుంచి ఆస్ట్రేలియా వేదికగా జరగనున్న టీ20 వరల్డ్ కప్ కోసం బీసీసీఐ భారత జట్టును ప్రకటించింది. అనూహ్య మార్పులేమీ చేయలేదు. సీనియర్ పేసర్ బుమ్రా తిరిగి జట్టులోకి వచ్చాడు. మరో సీనియర్ షమీ కి స్టాండ్‌ బై ప్లేయర్ జాబితాలో ఉంచడం విశేషం. గాయంతో జట్టుకు దూరమైన రవీంద్ర జడేజాను పరిగణలోకి తీసుకోలేదు. అతడి స్థానంలో అక్షర్‌ పటేల్‌ను ఎంపిక చేశారు. రోహిత్‌ కెప్టెన్‌గా వ్యవహరించనున్నాడు. స్టాండ్‌ బై ప్లేయర్లుగా మహమ్మద్‌ షమి, శ్రేయాస్‌ అయ్యర్‌, రవి బిష్ణోయ్‌, దీపక్‌ చాహర్‌ను ఎంపిక చేసింది.

భారత జట్టు :

రోహిత్‌ శర్మ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), విరాట్‌ కోహ్లీ, సూర్యకుమార్‌ యాదవ్‌, దీపక్‌ హుడా, రిషభ్‌ పంత్‌ (కీపర్‌), దినేశ్‌ కార్తీక్‌ (కీపర్‌), హార్దిక్‌ పాండ్య, అశ్విన్‌, చాహల్‌, అక్షర్‌ పటేల్‌, బుమ్రా, భువనేశ్వర్‌ కుమార్‌, హర్షల్‌ పటేల్‌, అర్ష్‌దీప్‌ సింగ్‌.