యాక్షన్‌, డ్రామా, కామెడీ.. ‘శాకిని డాకిని’ ట్రైలర్ అదిరింది !
సుధీర్ వర్మ దర్శకత్వంలో.. నివేదా థామస్‌, రెజీనా కసాండ్రా ప్రధాన పాత్రల్లో నటించిన చిత్రం ‘శాకిని డాకిని’. ఈ నెల 16న ప్రేక్షకుల ముందుకు రానుంది. తాజాగా ఈ సినిమా ట్రైలర్ ను విడుదల చేశారు. శిక్షణ కోసం పోలీసు అకాడమీలో చేరిన ఇద్దరమ్మాయిల కథతో ఈ సినిమా రూపొందినట్టు ట్రైలర్ చూస్తే అర్థమవుతోంది.
యాక్షన్‌, డ్రామా, కామెడీ.. కలగలిపి ఈ సినిమా తెరకెక్కినట్టు తెలుస్తోంది. ట్రైలర్‌లోని ఇద్దరి కథానాయికల లుక్స్‌, పోరాట దృశ్యాలు ఆకట్టుకునేలా ఉన్నాయి. ఈ సినిమా దక్షిణ కొరియా చిత్రం ‘మిడ్‌నైట్‌ రన్నర్స్‌’కి రీమేక్‌. ఈ చిత్రాన్ని డి. సురేశ్‌బాబు, సునీత తాటి, హ్యూన్‌ వూ థామస్‌ కిమ్‌ నిర్మించారు.
