ప్రభాస్-మారుతి.. కథ మొత్తం మారిపోయింది

మారుతి దర్శకత్వంలో ప్రభాస్ సినిమా అనగానే అభిమానులు భయపడిపోయారు. మారుతిది అంతా మీడియం రేంజు హీరోల స్కూలు. ప్ర‌భాస్ ఇమేజ్‌ని హ్యాండిల్ చేయ‌లేడ‌ని బెంగ పెట్టుకొన్నారు. పైగా మారుతి కూడా త‌నదైన ఓల్డ్ స్కూల్ లో ఓ హార‌ర్ కామెడీ క‌థ రాసుకొన్నాడు. హార‌ర్ సినిమాల‌కు కాలం చెల్లిన ఈ రోజుల్లో ప్ర‌భాస్ అలాంటి జోన‌ర్‌ని ఎందుకు ఎంచుకొన్నాడో ఎవ‌రికీ అంతు ప‌ట్ట‌లేదు.

అయితే ఇప్పుడు ప్ర‌భాస్ – మారుతిల క‌థ మొత్తం మారిపోయింది. ఇది హార‌ర్ సినిమా కాదు. ఓ క్రైమ్ కామెడీ. వ‌జ్రాల దోపిడీ నేప‌థ్యంలో సాగుతుంద‌ని స‌మాచారం. ఈ సినిమా ఆల‌స్యం అవ్వ‌డానికి కార‌ణం. క‌థ‌లో భారీ మార్పులు చోటు చేసుకోవ‌డ‌మే. హార‌ర్ కామెడీ కాస్త‌, క్రైమ్ కామెడీగా మారిపోయింది. న‌వంబ‌రు నుంచి ఈ సినిమా ప‌ట్టాలెక్కే ఛాన్సుందని సమాచారం.