జూమ్.. నీకు ఆర్మీ సెల్యూట్ !
జమ్మూకశ్మీర్‌లోని అనంత్‌నాగ్ జిల్లాలో భద్రతా బలగాలు, ముష్కరులకు మధ్య ఎన్‌కౌంటర్‌లో ఓ శునకం తీవ్రంగా గాయపడింది. క్షిణ కశ్మీర్‌లోని తంగపావా ప్రాంతంలో ఇద్దరు లష్కరే తొయిబా ఉగ్రవాదులు నక్కినట్లు విశ్వసనీయ సమాచారం రావడంతో భద్రతా బలగాలు తనిఖీలు చేపట్టాయి. వారిని గుర్తించే పనిని జాగిలానికి అప్పగించారు. దాని పేరు జూమ్.
జూమ్ వారిని గుర్తించి.. దాడి చేసింది. ఆ క్రమంలోనే గాయపడింది. రెండు తుపాకీ గుండ్లు దూసుకెళ్లాయి. అయినా, దాని పోరాటాన్ని కొనసాగించింది. దాని ఫలితంగానే ఘటనా స్థలానికి చేరుకున్న దళాలు ఉగ్రవాదులను మట్టుపెట్టాయి. జూమ్‌ను ఆర్మీకి చెందిన హాస్పిటల్‌కు తరలించి చికిత్స అందిస్తున్నారు.
