మెగాస్టార్ అంతకుమించి మహేష్ నుంచి ఎక్సెపెక్ట్ చేస్తున్నారట

అప్పుడు… ఇప్పుడు.. ఎప్పుడూ టాలీవుడ్ నెం.1 మెగాస్టార్ చిరంజీవినే. ‘ఖైదీ నెం.150’తో ఈ విషయం మరోసారి స్పష్టమైంది. దాదాపు తొమ్మిదేళ్ల తర్వాత రీ-ఎంట్రీ ఇచ్చిన మెగాస్టార్ కు ప్రేక్షకులకు బ్రహ్మరథం పట్టారు. తెలుగు తెరపై ఆయనకు తిరుగులేదని తీర్పునిచ్చారు. ఐతే, ఇప్పుడు మెగాస్టార్ అంతకుమించి సూపర్ స్టార్ మహేష్ బాబు నుంచి ఎక్స్ పెక్ట్ చేస్తున్నట్టు కనబడుతోంది.

మూవీ ఆర్టిస్ట్ అసోసియేషన్ కు సొంత భవనం నిర్మించేందుకు ‘మా’ సభ్యులు ప్రయత్నాలు ప్రారంభించిన సంగతి తెలిసిందే. దీనికోసం ఇటీవలే అమెరికాలో సిల్వర్ జూబ్లీ ఉత్సవాలు నిర్వహించారు. దీనికి మెగాస్టార్ చిరంజీవి ముఖ్య అథితిగా హాజరయ్యారు. ఈ కార్యక్రమం ద్వారా దాదాపు కోటి రూపాయలు సేకరించినట్టు మా అధ్యక్షుడు శివాజీరాజా అధికారికంగా ప్రకటించారు. ఇప్పుడు సూపర్ స్టార్ మహేష్ వంతు వచ్చింది. ‘మా’ కోసం మహేష్ యుఎస్ వెళ్లేందుకు అంగీకరించారు.

అమెరికాలో జరిగే ‘మా’ ఈవెంట్ కు మహేష్ హాజరుకానున్నారు. మహేష్ కు ఉన్న క్రేజ్ అంతా ఇంతా కాదు. ఆయన చిరంజీవిని మించి కలెక్షన్స్ రాబడతాడని మా సభ్యులు ఆశపడుతున్నారు. మరీ.. నిజంగానే మహేష్ మెగాస్టార్ ని మించి కలెక్షన్స్ రాబడుతాడా ? అన్నది చూడాలి. ఐతే, యుఎస్ లో టాలీవుడ్ హీరోయిన్స్ సెక్స్ రాకెట్ బట్టబయలైన నేపథ్యంలో… అక్కడ ‘మా’ నిర్వహించే కార్యక్రమానికి ఎంతమంది టాలీవుడ్ సెలబ్రెటీలు హాజరవుతారన్నది ప్రశ్నర్థకంగా మారింది.