హన్సిక సెకండ్ హ్యాండ్.. వీడియో వైరల్ !
హీరోయిన్ హన్సిక ఇటీవలే పెళ్లివార్త చెప్పిన సంగతి తెలిసిందే. తన స్నేహితుడు సోహైల్‌ పెళ్లాడబోతున్నట్టు ప్రకటించింది. డిసెంబర్‌లో జరగనున్న ఈ పెళ్లి వేడుక కోసం హన్సిక ఆతృతగా ఎదురు చూస్తోంది. ఇంతలో ఓ షాకింగ్ వీడియో వైరల్ అయింది. హన్సిక స్నేహితురాళ్లలో ఒకరైన రింకీ వివాహం 2016లో జరిగింది. కుటుంబసభ్యులు, స్నేహితుల సమక్షంలో గోవాలోని ఓ రిసార్ట్‌లో ఎంతో ఘనంగా జరిగిన ఈ వేడుకల్లో హన్సిక సైతం పాల్గొని సందడి చేశారు. సంగీత్‌లో రింకీతో కలిసి డ్యాన్సులు కూడా చేశారు.
అయితే, రింకీ వివాహమాడింది వేరెవరినో కాదని సోహైల్‌నేనని.. ప్రేమ వివాహం చేసుకున్న వీళ్లిద్దరూ కొన్నేళ్ల క్రితం విడిపోయారని.. ఇప్పుడు హన్సిక అతడినే వివాహం చేసుకుంటోందని ఈ వీడియో చూసిన నెటిజన్లు మాట్లాడుకుంటున్నారు. వీరి పెళ్లిపై పలు ఆంగ్ల వెబ్‌సైట్లలో వార్తలు కూడా చక్కర్లు కొడుతున్నాయి. మరో వైపు రింకీ-సోహైల్‌ వెడ్డింగ్‌ వీడియో నెట్టింట వైరల్ అయ్యింది. దీనిని చూసిన పలువురు అభిమానులు.. హన్సిక సెకండ్ హ్యాండ్ అంటూ కామెంట్స్ చేస్తున్నారు.
