ఖుషి.. జల్సా రికార్డులు బ్రేక్

టాలీవుడ్ లో రీ రిలీజ్ ల ట్రెండ్ కొనసాగుతుంది. గత ఏడాది సూపర్ స్టార్ మహేష్ బాబు బర్త్ డే కానుకగా ‘ఒక్కడు’ రీ రిలీజైంది. ఏకంగా రూ. 1.5 కోట్లు కలెక్ట్ చేసింది. ఆ తర్వాత పవన్ బర్త్ డే గిఫ్ట్ గా ‘జల్సా’ రీ రిలీజ్ అయింది. ఒక్కడు రికార్డులను బద్దలు కొడుతూ పవన్ సినిమా రూ. 3.2 కోట్లు వసూలు చేసింది. ఇక న్యూ ఇయర్ కానుకగా ఆదివారం మళ్లీ విడులైన పవన్ ఖుషి సినిమా తొలిరోజే రూ. 4.1 కోట్లు కలెక్ట్ చేసింది. జల్సా, ఒక్కడు రీ రిలీజ్ రికార్డులను బ్రేక్ చేసింది.

2001లో వచ్చిన ఈ కల్ట్‌ క్లాసిక్‌ను ఎస్‌జే సూర్య డైరెక్ట్‌ చేశాడు. ఇప్పుడు సుమారు 22 ఏళ్ల తర్వాత మరోసారి ప్రేక్షకుల ముందుకు వచ్చింది. వారం రోజుల పాటు ఖుషి సినిమా థియేటర్స్ లో సందడి చేయబోతుంది. దీని ద్వారా వచ్చిన డబ్బులను ఓ చారిటీకి ఇవ్వబోతున్నారని తెలిసింది.