బెస్ట్ డైరెక్ట‌ర్‌గా రాజ‌మౌళికి.. హాలీవుడ్ పుర‌స్కారం

‘ఆర్ఆర్ఆర్’ సినిమాకు మ‌రో ప్ర‌తిష్టాత్మ‌క హాలీవుడ్ అవార్డ్‌ ద‌క్కింది.  న్యూయార్క్ ఫిల్మ్ క్రిటిక్స్ స‌ర్కిల్ అవార్డ్స్‌లో ఆర్ఆర్ఆర్ సినిమాకుగాను బెస్ట్ డైరెక్ట‌ర్‌గా రాజ‌మౌళి ఎంపిక‌య్యాడు. బుధ‌వారం ఈ అవార్డ్ ప్ర‌దానోత్సవ వేడుక జ‌రిగింది. ఈ అవార్డ్‌ను అందుకున్న తొలి ఇండియ‌న్ డైరెక్ట‌ర్ గా జక్కన్న నిలిచాడు.

ఈ అవార్డ్ వేడుక‌కు పూర్తిగా ఇండియ‌న్ ట్రెడిష‌న‌ల్ డ్రెస్‌లో హాజ‌రై స్పెష‌ల్ అట్రాక్ష‌న్‌గా నిలిచాడు రాజ‌మౌళి. కుర్తా, పైజామా ధ‌రించి వేడుక‌లో సంద‌డి చేశారు. ఈ అవార్డ్ వేడుక‌కు రాజ‌మౌళి హాజ‌రైన ఫొటోలు సోష‌ల్ మీడియాలో వైర‌ల్‌గా మారాయి. బెస్ట్ డైరెక్ట‌ర్‌గా అవార్డును అందుకొన్న రాజ‌మౌళికి సినీ ప్రముఖులు, అభిమానుల నుంచి శుభాకాంక్షలు వెల్లువెత్తుతున్నాయి.

తొలితరం స్వాతంత్య్ర సమరయోధులు అల్లూరి సీతారామరాజు, కొమరం భీమ్ ల జీవితాల్లోని ఓ ఉమ్మడి పాయింట్ ఆధారంగా రాజమౌళి ‘ఆర్ఆర్ఆర్’ ను తెరకెక్కించారు. అల్లూరి పాత్రలో రామ్ చరణ్ ఆయన కి జంటగా బాలీవుడ్ బ్యూటీ అలియా భట్. ఇక కొమరం భీమ్ పాత్రలో ఎన్టీఆర్ ఆయనకి జంటగా ఒలీవియా మోరిస్ నటించారు. ఎంఎం కీరవాణి సంగీతం అందించారు. డివివి దానయ్య నిర్మించారు. గత ఏడాది మార్చి 25న ప్రేక్షకుల ముందుకొచ్చిన ఆర్ఆర్ఆర్ బ్లాక్ బస్టర్ హిట్టయింది. బాక్సాఫీస్ వ‌ద్ద 1200 కోట్ల‌కుపైగా క‌లెక్ష‌న్స్ రాబ‌ట్టింది.