ఆస్కార్ : ఉత్తమ నటుడు ఎన్టీఆర్‌ ?
ప్రముఖ హాలీవుడ్‌ మ్యాగజైన్‌ తెలుగు ప్రేక్షకులకు గుడ్ న్యూస్ చెప్పింది. ఈ ఏడాది ఆస్కార్ అవార్డుల వేదికపై ‘ఆర్‌ఆర్‌ఆర్‌’ సత్తా చాటే అవకాశం ఉందని.. ఉత్తమ నటుడు, ఉత్తమ దర్శకుడు కేటగిరీల్లో ఈ సినిమా నామినేట్‌ అయ్యే అవకాశం ఉందని చెప్పింది. ఉత్తమ నటుడి జాబితాలో ఎన్టీఆర్‌ పేరు, ఉత్తమ దర్శకుడిగా రాజమౌళి ‘ఆస్కార్’కు నామినేట్‌ అయ్యే అవకాశం ఉందని ఈ మ్యాగజైన్‌ జోస్యం చెప్పింది.
విల్‌ స్మిత్‌, హ్యూ జాక్‌మన్ వంటి హాలీవుడ్‌ స్టార్స్‌ పేర్లతో ఉన్న ఈ జాబితాలో ఎన్టీఆర్‌ చోటు దక్కించుకోవడం పట్ల తారక్‌ అభిమానులు ఆనందం వ్యక్తం చేశారు. ఎన్టీఆర్‌కు ఆస్కార్ వచ్చే అవకాశం ఉందని గతంలోనూ ఈ పత్రిక ఓ కథనాన్ని ప్రచురించిన విషయం తెలిసిందే. ఈ చిత్రం నుంచి నాటునాటు పాట ఆస్కార్ ఉత్తమ ఒరిజనల్‌ సాంగ్‌ విభాగం షార్ట్‌లిస్ట్‌లోచోటు దక్కించుకుంది. షార్ట్‌లిస్ట్‌లో ఎంపికైన చిత్రాలకు జనవరి 12 నుంచి 17 వరకూ అకాడమీ బృందం ఓటింగ్‌ నిర్వహించనుంది. ఆ ఓటింగ్‌ను ఆధారంగా చేసుకుని జనవరి 24న ఆస్కార్ నామినేషన్‌లో నిలిచిన చిత్రాలను ప్రకటిస్తారు. అనంతరం మార్చి 12న విజేతలకు ఆస్కార్ అవార్డులు అందించనున్నారు.
